అమెరికాలో మరో భారతీయ విద్యార్థి దారుణ హత్య

అమెరికాలో మరో భారతీయ విద్యార్థి దారుణ హత్యకు గురయ్యాడు. మైసూరుకు చెందిన 25 ఏళ్ల అభిషేక్ సుధేశ్ ను ఓ గుర్తు తెలియని దుండగుడు కాల్చి చంపాడు. ఈ ఘటన కాలిఫోర్నియాలోని ఓ హోటల్ లో చోటు చేసుకుంది.కాలిఫోర్నియా స్టేట్ యూనివర్శిటీలో అభిషేక్ కంప్యూటర్ సైన్స్ లో ఎంఎస్ చేస్తున్నాడు. ఒక హోటల్ లో పార్ట్ టైమ్ జాబ్ చేస్తున్నాడు. ఆ హోటల్ లోనే అభిషేక్ హత్యకు గురయ్యాడు.

మరో నాలుగు నెలల్లో అతని చదువు పూర్తికాబోతున్న తరుణంలో ఈ దారుణం చోటుచేసుకుంది. అభిషేక్ చనిపోయినట్టు గురువారం రాత్రి 11.30 గంటలకు ఆయన కుటుంబసభ్యులకు ఫోన్ వచ్చింది. హోటల్ లో అభిషేక్ ను కాల్చి చంపారని మాత్రమే ఫోన్ లో చెప్పారని, ఇంతకు మించి ఎలాంటి సమాచారం ఇవ్వలేదని అతని కుటుంబసభ్యులు చెప్పారు.