జహీరాబాద్ లోక్‌సభ నియోజకవర్గంలోని అల్లాదుర్గం పట్టణంలో జరిగే బహిరంగ సభలో ప్రసంగించేందుకు ప్రధానమంత్రి నరేంద్రమోదీ మంగళవారం తెలంగాణ రాష్ట్రానికి రానున్నారు.
ఆయన పార్టీ అభ్యర్థి బి.బి.పాటిల్ (జహీరాబాద్), ఎం. రఘునందన్ రావు (మెదక్) కోసం ప్రచారం చేయనున్నారు.
ప్రధాని మోడీ ఈరోజు సాయంత్రం 4.30 గంటలకు అసెంబ్లీ వేదిక వద్దకు చేరుకుని ప్రసంగించనున్నారు.
కేంద్రంలోని బీజేపీ నేతృత్వంలోని ప్రభుత్వం చేపడుతున్న పనులపై మోదీ దృష్టి సారిస్తారని టీఎస్‌ బీజేపీ ప్రధాన కార్యదర్శి జి. ప్రేమేందర్‌ రెడ్డి అన్నారు.
సభను విజయవంతం చేసేందుకు ప్రజలు అధిక సంఖ్యలో తరలిరావాలని ఆయన కోరారు. మోడీ సభలో ఎటువంటి ఆటంకాలు లేకుండా సభ సజావుగా సాగేందుకు పోలీసులు భారీ బందోబస్తు ఏర్పాటు చేశారు.
జహీరాబాద్, మెదక్ పరిసర ప్రాంతాల్లో ట్రాఫిక్ ఆంక్షలు విధించారు. ట్రాఫిక్ రూట్స్ మార్చినట్లు తెలిపారు. వాహనదారులు గమనించాలని, పోలీసులకు సహకరించి ట్రాఫిక్ రూల్స్ ను పాటించాలని కోరారు.
హైదరాబాద్ లోక్‌సభ నియోజకవర్గం నుంచి తమ పార్టీ అభ్యర్థి మాధవి లతకు మద్దతు ఇవ్వాలని కోరుతూ హోంమంత్రి అమిత్ షా బుధవారం రాష్ట్రానికి వచ్చి గౌలిపురాలో రోడ్‌షో నిర్వహించనున్నారు.
ప్రధాని మే 5న రాష్ట్రానికి తిరిగివచ్చి ఆయన నిజామాబాద్, సికింద్రాబాద్, మల్కాజిగిరి నియోజకవర్గాల్లో బహిరంగ సభలు నిర్వహించనున్నారు.
ప్రధాని పర్యటన పూర్తి షెడ్యూల్ రెండు, మూడు రోజుల్లో అధికారికంగా వెల్లడయ్యే అవకాశముంది.