పంజాబ్ జట్టులో కెప్టెన్ కేఎల్‌ రాహుల్ మాత్రం ఒంటరి పోరాటం చేస్తున్నాడు. గత మూడు సీజన్లలో టాప్‌ స్కోరర్లలో ఒకడిగా నిలుస్తూ తన జట్టుకు విజయాలు అందిస్తున్నాడు. నేడు పంజాబ్ కెప్టెన్ రాహుల్ పుట్టిన రోజు. ఈ క్రమంలో తన గ‌ర్ల్‌ఫ్రెండ్, బాలీవుడ్ హీరోయిన్ అతియా శెట్టి కూడా విషెస్ చెప్పారు. ఆ విషెస్ ప్ర‌త్యేక ఆక‌ర్ష‌ణగా నిలిచింది. ‘ఈ ఏడాది గొప్పగా సాగాలని కోరుకుంటున్నా. జన్మదిన శుభాకంక్షాలు’ అని ట్వీట్ చేశారు. రాహుల్‌కు విషెస్ చెబుతూ.. అత‌నితో దిగిన ఫొటోల‌ను ఆమె ఇన్‌స్టాలో షేర్ చేశారు. ఈ ట్వీట్‌పై అతియా శెట్టి తండ్రి, బాలీవుడ్ నటుడు సునీల్ శెట్టి కూడా స్పందించ‌డం విశేషం. ‘గ్రేట్‌ఫుల్ ఫ‌ర్ యు, హ్యాపీ బర్త్ డే’ అని అతియా చేసిన పోస్ట్‌పై స్పందిస్తూ.. నిజంగానే అంటూ ఓ బ్లాక్ క‌ల‌ర్ హార్ట్ ఎమోజీని పోస్ట్ చేశాడు. ‘మై క్యూటీస్’ అంటూ క్రికెట‌ర్ హార్దిక్ పాండ్యా కూడా అతియా పోస్ట్‌పై కామెంట్ చేశాడు. ప్రస్తుతం అతియా చేసిన ట్వీట్, ఫొటోస్ నెట్టింట వైరల్ అయ్యాయి. రాహుల్‌తో దిగిన ఈ ఫొటోలు అతియా ఎప్పుడూ బ‌య‌ట‌పెట్టలేదు. కేఎల్‌ రాహుల్, అతియా శెట్టి ఇద్ద‌రూ ఒక‌రి బ‌ర్త్‌డేల‌కు ఒక‌రు విషెస్ చెప్పుకోవ‌డ‌మే త‌ప్ప ఇప్ప‌టి వ‌ర‌కూ త‌మ రిలేష‌న్‌షిప్‌పై బ‌య‌ట‌ప‌డ‌లేదు.
పంజాబ్ కెప్టెన్ కు స్పెషల్ బర్త్ డే విషెస్…
