ఛలో ఆత్మకూర్ కు టీడీపీ పిలుపునిచ్చిన నేపథ్యంలో ఆంధ్రప్రదేశ్ రాష్ట్ర వ్యాప్తంగా పోలీసులు టీడీపీ నేతలను హౌస్ అరెస్ట్ చేస్తున్నారు. ఇందులో భాగంగానే మాజీ మంత్రి భూమా అఖిలప్రియను పోలీసులు హౌస్ అరెస్ట్ చేశారు. విజయవాడలోని ఓ హోటల్ ఉన్న ఆమెను పోలీసులు బయటకు రాకుండా అడ్డుకున్నారు.
బయటకు వచ్చేందుకు ప్రయత్నించిన తనను అడ్డుకోవడంలో పోలీసులతో ఆమె వాగ్వాదానికి దిగారు. ఈ సందర్భంగా ఆమెతో పాటు ఆమె సోదరుడు జగన్ విఖ్యాత్ రెడ్డి కూడా ఉన్నారు. మరోవైపు జగత్ విఖ్యాత్ రెడ్డి గదిని కూడా పోలీసులు సోదా చేశారు. దీంతో అఖిలప్రియ పోలేసులపై ఆగ్రహం వ్యక్తం చేశారు.