కాంగ్రెస్ అధిష్ఠానం యూపీలో పది రోజుల పాటు పాదయాత్ర చేయాలని నిర్ణయించింది. రాష్ట్రంలో మహిళల రక్షణ, చిన్మయానంద రేప్ కేసును దృష్టిలో ఉంచుకొని కాంగ్రెస్ ఈ నిర్ణయం తీసుకుంది. ఈ పాదయాత్రను పార్టీ జాతీయ ప్రధానకార్యదర్శి ప్రియాంక గాంధీ ప్రారంభించనున్నారు. షాజహాన్ పూర్ నుంచి లక్నో వరకు దాదాపు 180 కిలోమీటర్ల మేర ఈ పాదయాత్ర సాగనుంది. ఈ పాదయాత్రలో చిన్మయానంద రేప్ కేసునే ప్రజల్లోకి తీసుకెళ్లి యోగి ప్రభుత్వాన్ని టార్గెట్ చేయాలని కాంగ్రెస్ భావిస్తోంది.
మహిళల రక్షణ సహా రైతులు, నిరుద్యోగుల అంశాలను కూడా ఆ పార్టీ లేవనెత్తనుంది. ఈ పాదయాత్రలో ద్వితీయ శ్రేణి నాయకులతో పాటు కార్యకర్తలు కూడా పాల్గొనాలని పార్టీ ఆదేశించింది. ప్రతీ రోజూ దాదాపు 20 కిలోమీటర్ల మేర ఈ పాదయాత్ర సాగాలని నేతలు నిశ్చయించుకున్నారు. ఇప్పటికే ఓ బృందం షాజహాన్ పూర్ చేరుకొని ఏర్పాట్లను పర్యవేక్షిస్తోంది. ఎలాంటి లోటుపాట్లు లేకుండా పాదయాత్ర సవ్యంగా సాగేట్లు రాష్ట్ర నేతలు వ్యూహం రచిస్తున్నారు.
ప్రభుత్వ, ప్రైవేట్ పాఠశాలల్లో అధ్వానపు చదువు: జయప్రకాశ్