*మన దేశ చరిత్ర‌, సంస్కృతిని చూసి గర్వ పడాలి
*ఐకమత్యంతో ప్రజలంతా ముందుకెళ్లాలి
* ‍ప్రతి ఒక్క పౌరుడు తమ బాధ్యతను గుర్తించి పని చేయాలి
*మనదేశం టెక్నాలజీ హబ్‌గా మారుతోంది
*వచ్చే 25 ఏళ్లు అమృత కాలం, పంచప్రాణాలు పెట్టాలి
*వచ్చే 25 ఏళ్లు ఐదు అంశాలపై ప్రధానంగా దృష్టిపెట్టాలి

దేశం నవ సంకల్పంతో ముందుకెళ్తోందని ప్రధానమంత్రి నరేంద్రమోదీఅన్నారు. ఎర్రకోట పై నరేంద్రమోదీ వరుసగా 9వ సారి జాతీయ జెండాను ఎగరవేశారు.ఈసందర్భంగా జాతినుద్దేశించి ప్రధానమంత్రి నరేంద్రమోదీ మాట్లాడుతూ.. తొలుత దేశ ప్రజలకు ఆజాదీ కా అమృత్ మహోత్సవ్ వేడుకల శుభాకాంక్షలు తెలిపారు.

రాజకీయ సుస్థిరత వల్ల కలిగే ప్రయోజనాలను భారత్ ఇప్పటికే ప్రపంచానికి చాటింది. దీనివల్ల అభివృద్ధిలో వేగం, నిర్ణయాధికారంలో దేశం శక్తివంతం అవుతుంది అని అన్నారు. రాజకీయ సుస్థిరత ఉండడం అనేది దేశ గౌరవ మర్యాదలను కూడా పెంచుతుంద‌ని అన్నారు.

వచ్చే 25 ఏళ్లు అమృత కాలం.. వచ్చే 25ఏళ్ల పాటు యువత దేశ అభివృద్ధి కోసం పంచ ప్రాణాలు పెట్టి అభివృద్ధి కోసం పని చేయాలి. ఈ కాలంలోనే స్వాతంత్య్ర సమరయోధుల కలలను సాకారం చేయాలి. స్వాతంత్ర్యం వచ్చి వందేళ్లు అయ్యే నాటికి.. మన దేశం కోసం పోరాడిన వారి కలలను సాకారం చేసి చూపించాలి.

సంపూర్ణ అభివృద్ధి మన ముందు ఉన్న అతి పెద్ద ఛాలెంజ్. మనలో ఇంకా ఏ మూలైనా బానిస మనస్తత్వం దాగి ఉంటే దాన్ని పూర్తిగా పారద్రోలాలి అని పిలుపునిచ్చారు. సర్వ స్వతంత్ర ప్రజాస్వామ్యంగా మనం నిలబడాలని కోరారు 

వచ్చే 25 ఏళ్లు ఐదు అంశాలపై ప్రధానంగా దృష్టిపెట్టాలి ..1. వికసిత భారతం, 2. బానిసత్వ నిర్మూలన, 3. వారసత్వం, 4. ఏకత్వం, 5. పౌర బాధ్యత ఇవే మన పంచ ప్రాణాలు అని మోదీ చెప్పారు. ఇవి పాటిస్తూ మనం మన లక్ష్యాన్ని చేరుకోవాలని అన్నారు.

ప్రధాని మోదీ చేసిన ఐదు తీర్మానాలను ఇవే…

1. వికసిత భారతం.. 25 ఏళ్లలో భారతదేశం అభివృద్ధి చెందిన దేశంగా మారాలి. నేను యువతను రాబోయే 25 సంవత్సరాల జీవితాన్ని దేశాభివృద్ధికి అంకితం చేయాలని కోరుతున్నాను. మేము మొత్తం మానవాళి అభివృద్ధికి కృషి చేస్తాము

2. బానిసత్వ నిర్మూలన.. మనం ఇతరులలాగా మారడానికి ప్రయత్నించకూడదు. మన ఆలోచనలో బానిసత్వం అనే జాడ ఉండకూడదు. కొన్నిసార్లు మన ప్రతిభకు భాషా అవరోధాలు అడ్డుగా ఉంటాయని.. అందుకే మన దేశంలోని ప్రతి భాష గురించి గర్వపడాల్సిన అవసరం ఉంది

3. వారసత్వం.. మన వారసత్వం గురించి మనం గర్వపడాలి. మన మూలాలకు మనం కనెక్ట్ అయినప్పుడు మాత్రమే మనం ఎత్తుకు ఎదగగలం. మనం ఎత్తుకు ఎగిరినప్పుడు మనం మొత్తం ప్రపంచానికి పరిష్కారాలను అందిస్తాం.

4. ఏకత్వం.. జాతి అభ్యున్నతికి పాటుపడేందుకు మనం ప్రజలుగా ఐక్యంగా ఉండాలి. భారతదేశ ప్రగతికి సమానత్వం మూలస్తంభం. “ముందు భారతదేశం” అనే మంత్రం ద్వారా మనం ఐక్యంగా ఉన్నామని నిర్ధారించుకోవాలి.

5. పౌరుల బాధ్యత.. ఐదవ ప్రతిజ్ఞ పౌరుల కర్తవ్యం. విద్యుత్తు, నీటిని పొదుపు చేయడం ప్రజల కర్తవ్యం. దీనిని అనుసరిస్తే.. మనం అనుకున్న ఫలితాలను ముందుగానే చేరుకోగలము. ప్రధానమంత్రి, ముఖ్యమంత్రులతో సహా ఈ విధులు భారతదేశంలోని పౌరులందరికీ వర్తిస్తాయని ఆయన అన్నారు.