భ‌ర‌త్ క‌మ్మ ద‌ర్శ‌క‌త్వంలో తెర‌కెక్కిన డియర్ కామ్రేడ్ చిత్రాన్ని మైత్రీ మూవీ మేక‌ర్స్‌, బిగ్ బెన్ సినిమాస్ ప‌తాకాల‌పై న‌వీన్ ఎర్నేని, య‌ల‌మంచిలి ర‌విశంక‌ర్‌, మోహ‌న్ చెరుకూరి(సి.వి.ఎం), య‌ష్ రంగినేని సంయుక్త‌గా నిర్మించారు. జూలై 26న ఈ చిత్రం తెలుగు, త‌మిళ, క‌న్న‌డ, మ‌ల‌యాళ భాష‌ల్లో గ్రాండ్ రిలీజ్ అయింది. ఈ చిత్రంలో విజ‌య్ దేవ‌ర‌కొండ, ర‌ష్మిక మంద‌న్నా ప్ర‌ధాన పాత్ర‌లు పోషించిన విష‌యం విదిత‌మే. తొలి రోజు ఈ చిత్రానికి మిశ్ర‌మ స్పంద‌నలు రావ‌డంతో క‌లెక్ష‌న్స్ కాస్త త‌గ్గిన‌ట్టు అనిపిస్తుంది. తాజా స‌మాచారం ప్ర‌కారం ఈ చిత్రం ప్ర‌పంచ వ్యాప్తంగా 34.32 కోట్ల గ్రాస్ వ‌సూళ్ళ‌ని రాబ‌ట్టగా, రూ.20.70 షేర్‌ని క‌లెక్ట్ చేసింది.
బాలీవుడ్ బ‌డా ప్రొడ్యూస‌ర్ కరణ్ జోహార్ ఇటీవ‌ల విజ‌య్ తో పాటు చిత్ర నిర్మాత‌ల‌తో క‌లిసి “డియర్ కామ్రేడ్” చిత్రాన్ని వీక్షించిన సంగ‌తి తెలిసిందే. ఈ చిత్రాన్ని వీక్షించిన అనంత‌రం ఆయ‌న “ఇదొక గొప్ప ప్రేమ క‌థ. మంచి సందేశం ఉంది. న‌టీన‌టుల‌తో పాటు నిర్మాణ విలువ‌లు బాగున్నాయి. ధ‌ర్మ ప్రొడ‌క్ష‌న్స్ సంస్థ‌పై ఈ చిత్రాన్ని రీమేక్ చేస్తున్నాన‌నే విష‌యం తెల‌ప‌డం ఆనందంగా ఉంది” అని పేర్కొన్నారు. ఈ చిత్రం రీమేక్‌లో ద‌ఢ‌ఖ్ పెయిర్ ఇషాన్, జాన్వీ క‌పూర్ హీరో హీరోయిన్‌లుగా న‌టిస్తార‌ని సోష‌ల్ మీడియాలో ప‌లు వార్తలు పుట్టుకొచ్చాయి. దీనిని కరణ్ కొట్టి పారేశారు. అయితే హిందీ రీమేక్‌కి సంబంధించిన ఓ వార్త హాట్ టాపిక్‌గా మారింది. హిందీ రీమేక్ కోసం కరణ్ జోహార్ రూ.6.2 కోట్లు ఇచ్చి రైట్స్‌ని సొంతం చేసుకున్నాడ‌ట. మ‌రి ఇందులో ఎంత నిజం ఉంద‌నేది తెలియాల్సి ఉంది.
“డియర్ కామ్రేడ్” హిందీ రీమేక్ రైట్స్… భారీ రేటుకు కొన్న కరణ్ జోహార్
