టాలీవుడ్ లో హీరోయిన్ హరిప్రియ తెలుగులో ‘తకిట తకిట’, నాని హీరోగా వచ్చిన ‘పిల్ల జమిందార్‌’, బాలయ్య సరసన ‘జైసింహా’లో నటించి తన అంద చందాలతో అదరగొట్టిన సంగతి తెలిసిందే. హరిప్రియ ప్రస్తుతం ‘ఎల్లిదే ఇల్లితనకా’ అనే కన్నడ చిత్రం చేశారు. ఈ సినిమా శుక్రవారం (ఈరోజు) ప్రేక్షకుల ముందుకు రానుంది. అందులో భాగంగా సినిమా ప్రమోషన్స్‌లో బీజీగా ఉన్నారు. కాగా ఈ సినిమాలో హీరో సృజన్‌ లోకేశ్‌, హరిప్రయకు మధ్య ఓ ముద్దు సన్నివేశాన్ని షూట్ చేసింది చిత్ర బృందం. అయితే ఈ సినిమాలో కిస్ సీన్‌ను తెలుగు సినిమా ‘గీత గోవిందం’లోని కిస్ సీన్‌తో పోల్చుతున్నారు అక్కడి ప్రేక్షకులు. దీంతో ఈ విషయంపై హరిప్రియ స్పందించింది. ఆమె మాట్లాడుతూ.. “గీత గోవిందం సినిమాలో రష్మిక, విజయ్‌ దేవరకొండల మధ్య అధర చుంబనం ఉండగా.. నేను నటించిన ఈ ‘ఎల్లిదే ఇల్లితనకా’ సినిమాలో ఉన్నది కేవలం మామూలు ముద్దు సీన్ మాత్రమే. నేను నటించే సినిమాలు నా ఫ్యాన్స్, ఫ్యామిలీ తో కలిసి చూసేలా జాగ్రత్త పడుతాను.. అది నా బాధ్యతగా ఫీల్ అవుతానంటోంది. అయితే కథ డిమాండ్‌ చేయబట్టే ఈ సినిమాలో ఆ ముద్దు సీన్‌లో నటించాను” అని అంటోంది ఈ ముద్దుగుమ్మ.
నేను రష్మిక మందన్నలా కాదు… బాలయ్య హీరోయిన్ కామెంట్
