విభిన్నమైన పాత్రలతో సరికొత్త కథలకు ప్రాధాన్యమిస్తూ వరుస సినిమాలతో తమిళనాట మాస్ హీరోగా మంచి క్రేజ్ ను సొంతం చేసుకున్నారు ధనుష్. ధనుష్ తన తాజా చిత్రాన్ని దర్శకుడు వెట్రిమారన్ దర్శకత్వంలో చేయబోతున్నారు. వి. క్రియేషన్స్ బ్యానర్ పై నిర్మించనున్న ఈ సినిమాకు “అసురన్” అనే టైటిల్ ను ఖరారు చేశారు. విభిన్నమైన కథాకథనాలతో రూపొందుతోన్న ఈ సినిమా ఫస్టులుక్ ను రిపబ్లిక్ డే సందర్భంగా విడుదల చేశారు. ఈ సినిమాలో మలయాళ నటి మంజు వారియర్ ఒక కీలకమైన పాత్రలో నటిస్తోంది. తమిళ నవల “వెట్కాయ్” ఆధారంగా రూపొందుతోన్న ఈ సినిమాకి, కలై పులి థాను నిర్మాతగా వ్యవహరిస్తున్నారు. తాజాగా ఈ చిత్రం నుంచి విడుదలైన ధనుష్ లుక్ సోషల్ మీడియాలో వైరల్ గా మారింది. మూడు నెలల కిందట మొదలైన అసురన్ షూటింగ్ ఫైనల్ షెడ్యూల్ కి చేరుకుందని తెలుపుతూ సినిమాకు సంబందించిన లుక్ ని విడుదల చేసి స్పష్టం చేశారు ధనుష్. ఈ లుక్ ఆయన అభిమానులను ఎంతగానో ఆకట్టుకుంటోంది.
వైరల్ పిక్ : అసురన్ గా ధనుష్ లుక్
మంచు విష్ణుపై నాగబాబు సంచలన వ్యాఖ్యలు