అవన్నీ రూమర్సే అంటున్న నాని

నాని ప్రస్తుతం ‘టక్ జగదీష్’ సినిమాలో నటిస్తోన్న సంగతి తెలిసిందే. ‘నిన్ను కోరి’, ‘మజిలీ’ చిత్రాల ద్వారా మంచి గుర్తింపు తెచ్చుకున్న శివ నిర్వాణ.. ‘టక్ జగదీష్’ చిత్రానికి దర్శకత్వం వహిస్తున్నారు. ఈ చిత్రంలో నానికి జోడీగా ఐశ్వర్య రాజేష్, రీతూ వర్మలు నటిస్తున్నారు. తమన్ సంగీతాన్ని అందిస్తున్నాడు. షైన్ స్రీన్స్ పతాకంపై సాహు గారపాటి, హరీష్ పెద్ది సంయుక్తంగా ఈ చిత్రాన్ని నిర్మిస్తున్నారు. కరోనా మహమ్మారి కారణంగా ఈ సినిమా షూటింగ్ తాత్కాలికంగా ఆగిపోయింది. మళ్లీ సాధారణ పరిస్థితులు రాగానే షూటింగ్ తిరిగి ప్రారంభమవుతుంది. ఇదిలా ఉంటే, ఈ సినిమాలో నాని ఒక వింత డిజార్డర్‌తో బాధపడుతూ ఉంటారనే వార్త సోషల్ మీడియాలో హల్చల్ చేస్తోంది. ఈ వార్తలపై నాని క్లారిటీ ఇచ్చారు. ఈ సినిమా పై వస్తున్న వార్తల్లో నిజం లేదని కొట్టిపడేసాడు నాని.