‘7/జీ బృందావనం కాలనీ’ సినిమాతో ప్రేక్షకులను ఆకట్టుకున్న హీరోయిన్ సోనియా అగర్వాల్. ప్రస్తుతం సినిమాల్లో ప్రత్యేక పాత్రల్లో కనిపిస్తున్న సోనియాకు తల్లి పాత్రలు ఎక్కువగా వస్తున్నాయట. దీనిపై అసహనం వ్యక్తం చేసిన ఆమె.. తనకింకా అంత వయసు రాలేదని, అందం తరిగిపోలేదని చెబుతోంది. త్రిష, నయనతార, తాను ఒకే సమయంలో సినీ ఇండస్ట్రీలో అడుగుపెట్టామని, వాళ్లిద్దరు ఇంకా హీరోయిన్లుగా నటిస్తుండగా, తనను మాత్రం తల్లి పాత్రల్లో నటించాలని దర్శక నిర్మాతలు అడుగుతుండటం వింతగా ఉందని సోనియా అగర్వాల్ చెబుతోంది. త్రిష, నయనతారలను మాత్రం తల్లి పాత్రల కోసం ఎందుకు అడగటం లేదని ప్రశ్నిస్తోంది. తానింకా అందంగానే ఉన్నానని, హీరోలతో ఆడిపాడే ఫిట్‌నెస్ ఉందని, అలాంటప్పుడు తల్లి పాత్రల కోసం అడగడం వాళ్లకు న్యాయంగా ఉందా? అని అడుగుతోంది. సీనియర్ హీరోయిన్లు రాధిక, ఖుష్బూలా తాను కూడా వయసు పెరిగిన తర్వాతే తల్లి పాత్రల్లో నటిస్తానని సోనియా తెలిపింది. నిర్మాతలు తనను అలాంటి పాత్రల కోసం కాకుండా హీరోయిన్‌గా ఛాన్స్ ఇస్తే తానేంటో నిరూపించుకుంటానని చెబుతోంది. ‘7/జీ బృందావనం కాలనీ’ తర్వాత తెలుగు, తమిళ భాషల్లో కొన్ని సినిమాల్లో నటించింది. 2006లో దర్శకుడు సెల్వరాఘన్‌ను పెళ్లాడిన సోనియా మూడేళ్లకే విడిపోయి ఒంటరిగా జీవిస్తోంది.
త్రిష, నయనతారలను తల్లి పాత్రల కోసం ఎందుకు అడగరు… హీరోయిన్ ఫైర్ ?
