ఎనర్జిటిక్ స్టార్ హీరో రామ్ పోతినేని గాయాలయ్యాయి. రామ్ పోతినేని జిమ్ చేస్తుండ‌గా.. అత‌ని మెడకు బాగా గాయ‌మైన‌ట్లు సమాచారం. ప్రస్తుతం రామ్ హీరోగా తమిళ డైరెక్టర్ లింగుస్వామి డైరెక్షన్‌లో రాపో19′ పాన్‌ ఇండియా సినిమాలో న‌టిస్తున్నారు.
ఈ సినిమాలో సిక్స్ ప్యాక్ కోసం ఎక్సర్ సైజులు చేస్తున్న స‌మ‌యంలో ఆయ‌న మెడకు గాయ‌మైంది. రామ్‌కు గాయం కావ‌డంతో రాపో19′ షూటింగ్ కు బ్రేక్ పడింది. ఇంకా టైటిల్ ఫిక్స్ కానీ ఈ సినిమాను రామ్ అభిమానులు ‘రాపో19’ గా పిలుస్తున్నారు.
అయితే తనకు గాయమైన విషయాన్ని తెలియ‌జేస్తూ రామ్ త‌న నెక్ బ్యాండ్‌తో ఉన్న ఫోటోను సోషల్‌ మీడియాలో పోస్ట్ చేశాడు. త‌మ అభిమానులకు ఆందోళ‌న చెంద‌వ‌ద్దు , రెట్టింపు ఉత్సాహంతో తిరిగి మీ ముందుకు వ‌స్తానంటూ రామ్ ట్వీట్ చేశారు. దీంతో ‘రామ్ త్వరగా కోలుకోవాలి..గెట్‌ వెల్‌ సూన్‌’ అంటూ నెటిజన్లు కామెంట్లు పెడుతున్నారు.
‘రాపో 19’ గా తెరకెక్కుతున్న ఈ సినిమా ప్రస్తుతం సెట్స్‌పై ఉంది. తెలుగు, తమిళం రెండు భాషల్లో రూపొందనున్న ఈ చిత్రంలో ఉప్పెన ఫేమ్ కృతి శెట్టి కథానాయకిగా నటిస్తోంది. ఇందులో రామ్ తొలిసారి పోలీస్ ఆఫీసర్‌గా కనిపించబోతున్నాడని తెలుస్తోంది. ఈ సినిమా కోసం సంచలన సంగీత దర్శకుడు దేవిశ్రీ ప్రసాద్ స్వరపరిచిన పాటల్లో రెండు ట్యూన్స్ ఇప్పటికే ఫైనల్ అయ్యాయి.
వారి కోడలు కావడం గర్వంగా ఉంది : ఉపాసన