ఢిల్లీలో భారీ అగ్ని ప్రమాదం..భారీగా ఆస్తి నష్టం

దేశ రాజధాని ఢిల్లీలో ఘోర అగ్ని ప్రమాదం చోటు చేసుకుంది. శనివారం అర్ధరాత్రి ఢిల్లీలోని ఓఖ్లా పారిశ్రామిక ప్రాంతంలోని ఓ కాలనీలో ఈ అగ్ని ప్రమాదం జరిగింది. పెద్ద ఎత్తున మంటలు చెలరేగడంతో.. భారీగా ఫర్నిచర్‌ దగ్ధం అయింది. ఆ ప్రాంతంలో దట్టమైన పొగలు అలుముకోవడంతో స్థానికులు భయాందోళనకు గురయ్యారు. విషయం తెలిసిన అందుకున్న అగ్నిమాపక సిబ్బంది 27 ఫైరింజన్లతో మంటలను అదుపులోకి తీసుకువచ్చే ప్రయత్నం చేస్తున్నారు. ప్రమాదంలో ఎలాంటి జరగలేదని సమాచారం అందుతోంది. కానీ.. భారీగా ఆస్తి నష్టం వాటిల్లింది. ఈ ప్రమాదం అర్ధరాత్రి 2 గంటల ప్రాంతంలో జరిగినట్లు అగ్నిమాపకశాఖ అధికారి తెలిపారు. అసలు అగ్ని ప్రమాదానికి కారణం ఏంటనేది తమకు అర్థం కావడం లేదని.. దానిపై పోలీసులు విచారణ చేపడతారని పేర్కొన్నారు. ఎలాంటి ప్రాణ నష్టం జరుగలేదని.. 27 ఫైరింజన్లు మంటలను అదుపులోకి తీసుకువస్తున్నాయని చెప్పారు.