ఎన్టీ రామారావుని చాలా దగ్గర నుంచి చూసిన వ్యక్తి, ఆయనకి అత్యంత సన్నిహితుడు మోహన్ బాబు అనే విషయం తెలిసిందే. అయితే ఆయన మోహన్ బాబు కుమారుడు మంచు విష్ణు ఒక వెబ్ సిరీస్ ను నిర్మిస్తున్నాడు. ఎన్టీఆర్ జీవితచరిత్ర ఆధారంగా ఈ వెబ్ సిరీస్ రూపొందుతోందనే టాక్ వినిపిస్తోంది. రాజకీయాల నేపథ్యంలో నిర్మితమవుతున్న కారణంగా ‘చదరంగం’ అనే టైటిల్ ను ఖరారు చేశారట. అందువలన ఈ వెబ్ సిరీస్ కి కథా సహకారాన్ని మోహన్ బాబు అందించారని అంటున్నారు. రాజ్ అనంత ఈ వెబ్ సిరీస్ కి దర్శకత్వం వహిస్తుండగా, ఎన్టీ రామారావు పాత్రలో హీరో శ్రీకాంత్ నటిస్తున్నారు. ఓటీటీ ఫ్లాట్ ఫామ్ అయిన జీ 5లో కొద్దీ రోజుల్లోనే ఈ సిరీస్ ప్రసారం కానుంది. ఇక ఈ వెబ్ సిరీస్ కి ఏ స్థాయిలో ఆదరణ లభిస్తుందో చూడాలి. ఎన్టీఆర్ బయోపిక్ గా బాలకృష్ణ చేసిన రెండు సినిమాలు ఆశించిన స్థాయిలో ఆదరణ పొందలేకపోయాయి. ఇక రామ్ గోపాల్ వర్మ నుంచి వచ్చిన ‘లక్ష్మీస్ ఎన్టీఆర్’ పరిస్థితి కూడా అంతే.
ఎన్టీఆర్ జీవితం ఆధారంగా మంచు విష్ణు వెబ్ సిరీస్
