సీఎం కేసీఆర్‌ మరో కీలక సమావేశం నిర్వహించనున్నారు. ఇవాళ మద్యాహ్నం 2 గంటలకు తెలంగాణ భవన్ లో ముఖ్యమంత్రి కె.చంద్రశేఖర్ రావు అధ్యక్షతన టిఆర్ఎస్ పార్టీ రాష్ట్ర కార్యవర్గ సమావేశం జరుగుతుంది. ఈ సమావేశానికి రాష్ట్ర కమిటి సభ్యులతో పాటు రాష్ట్ర మంత్రులు, లోకసభ సభ్యులు, రాజ్యసభ సభ్యులు, శాసన సభ్యులు, శాసన మండలి సభ్యులు, రాష్ట్ర స్థాయి కార్పొరేషన్ చైర్ పర్సన్లు, జడ్పీ చైర్ పర్సన్లు, మున్సిపల్ మేయర్లు, డిసిసిబి అధ్యక్షులు, డిసిఎంఎస్ అధ్యక్షులను ఈ సమావేశానికి ఆహ్వానించారు. పార్టీ సభ్యత్వాల పునరుద్ధరణ, గ్రామ స్థాయి నుంచి రాష్ట్ర స్థాయి వరకు పార్టీ కమిటీల నియామకం, రాష్ట్ర పార్టీ అధ్యక్షుడి ఎన్నిక, ఏప్రిల్ 27న పార్టీ వార్షిక మహాసభ, ఇతర సంస్థాగత అంశాలపై ఈ సమావేశంలో విస్తృతంగా చర్చిస్తారు. అంతేకాదు.. ఈ సమావేశంలో కేటీఆర్‌ను సీఎంగా ప్రకటించే ఛాన్స్‌ ఉందని జోరుగా ప్రచారం జరుగుతోంది. దీంతో ఇవాళ జరిగే సమావేశంపై సర్వత్రా ఉత్కంఠ నెలకొంది.
సీఎంగా కేటీఆర్‌ ? నేడే సీఎం కేసీఆర్‌ కీలక సమావేశం..
ప్రజలు మార్పు కోరుకున్నారు: గంటా శ్రీనివాస్