తెలుగు రాష్ట్రాల్లోని రేషన్ కార్డు లబ్దిదారులకు పభుత్వం శుభవార్త చెప్పింది. ఇకపై రెండు రాష్ట్రాల్లో ఎక్కడైనా రేషన్ సరుకులు తీసుకోగలిగే వెసులుబాటును కల్పిస్తూ “పోర్టబిలిటీ” విధానం రెండు తెలుగు రాష్ట్రాల్లో అమల్లోకి వచ్చింది. తెలంగాణలో ‘వన్ నేషన్- వన్ రేషన్’ కొత్త కార్డు విధానాన్ని ప్రయోగాత్మకంగా ప్రారంభించారు.
హైదరాబాద్ లో ఈ కార్యక్రమం ప్రారంభోత్సవంలో పౌరసరఫరాల శాఖ కమిషనర్ అకున్ సబర్వాల్ పాల్గొన్నారు. ఈ సందర్భంగా ఆయన మాట్లాడుతూ, తెలంగాణలో “వన్ నేషన్ – వన్ రేషన్” కార్డు విధానం అమలు చేస్తున్నట్టు చెప్పారు. నేషనల్ పోర్టబులిటీ తెలంగాణ-ఏపీ క్లస్టర్ ద్వారా రెండు రాష్ట్రాల్లో సేవలందుతాయని, ఇకపై రెండు తెలుగు రాష్ట్రాల్లో ఎక్కడైనా రేషన్ సరుకులు తీసుకోవచ్చని చెప్పారు. అయితే ఆహార భద్రతా చట్టం కింద జారీ చేసిన కార్డులకు మాత్రమే ఈ పోర్టబిలిటీ విధానం వర్తిస్తుంది.