కరోనా వైరస్‌ ను కట్టడి చేసేందుకు ఏపీ ప్రభుత్వం కీలక నిర్ణయం తీసుకుంది. 50శాతం ప్రభుత్వ ఉద్యోగులు వారం పాటు ఇంటి నుంచి పనిచేయాలని ప్రభుత్వం ఆదేశాలు జారీ చేసింది. సామాజిక దూరం పాటించడంలో భాగంగా 50-50 చొప్పున ఉద్యోగులు ఆల్టర్నేటీవ్‌ వారాలు విధుల నిర్వహణకు రావాలని సూచించారు. ఈ మేరకు ఏపీ సీఎస్ నీలం సాహ్ని ఉత్తర్వులు జారీ చేశారు.
కేంద్ర ప్రభుత్వ ఆదేశాల మేరకు ఈ చర్యలు చేపడుతున్నట్లు ఉత్తర్వుల్లో పేర్కొన్నారు. సచివాలయంలో సెక్షన్ ఆఫీసర్ మొదలుకొని కిందిస్థాయి వరకు ఆల్టర్నేట్ వారాలు పనిచేయాలని సూచించారు. దీనికి అనుగుణంగా ఉద్యోగులను 50-50 శాతంగా విభజించాలని ఆదేశించారు. జిల్లాలో హెచ్ఓడీలు, జిల్లా ఆఫీసులు, ఆ కింది ఆఫీసులలో ఉద్యోగులను సైతం 2 సమాన గ్రూపులుగా చేసి ఆల్టర్నేట్ వారాలు పనిచేయించాలని ఆదేశాల్లో పేర్కొన్నారు.
రాష్ట్రంలో దుర్మార్గం రాజ్యమేలుతోంది: లోకేశ్