సందర్శకుల కోసం మరో సాహసోపేతమైన వినోదం.. ప్రపంచ ప్రఖ్యాత నిర్మాణాల్లో ఒకటైన ఈఫిల్‌ టవర్‌పై అందుబాటులోకి వచ్చింది. ఈఫిల్‌ టవర్ నుంచి కిందకు 800 మీటర్ల మేర జిప్‌లైన్‌ను నిర్మించారు. ఈఫిల్‌ టవర్‌పైకి చేరుకుంటున్న సాహసికులు ఈ జిప్‌లైన్‌ నుంచి గంటకు 90 కిలోమీటర్ల వేగంతో కిందనున్న భవనంపైకి దూసుకుపోతున్నారు.
ఫ్రెంచ్‌ ఓపెన్‌ నేపథ్యంలో నెస్లీ గ్రూపునకు చెందిన మినరల్‌ వాటర్ తయారీ సంస్థ పెరియర్‌ ఈ జిప్‌లైన్‌ను ఏర్పాటు చేసింది. పెరియర్‌ ఆన్‌లైన్‌లో ఎంపిక చేసిన 260 మంది విజేతలను జిప్‌లైన్‌లో నేటి నుంచి అనుమతించనుంది.