“గౌతమి పుత్ర శాతకర్ణి” చిత్రంతో చివరగా ప్రేక్షకుల ముందుకు వచ్చిన శ్రియ ఇప్పుడు సినిమాలు పక్కన పెట్టి తన భర్తతో విదేశాలలో చక్కర్లు కొడుతుంది. కొన్నాళ్ళుగా వెండితెరకి దూరంగా ఉంటోంది ఈ అమ్మడు. అయితే శ్రియ 2018లో ఆండ్రీ కొశ్చెవ్ని రాజస్థాన్లో వివాహం చేసుకున్న విషయం తెలిసిందే. అప్పటి నుండి వారిద్దరు టూర్లతోనే ఎక్కువ సమయం గడుపుతున్నారు. ఈ మధ్య బ్రిటన్కి వెళ్ళిన శ్రియా ఆ తర్వాత మెక్సికో, కోలంబియాకి వెళ్లింది. అక్కడి సంగతులని ఎప్పటికప్పుడు సోషల్ మీడియాలో షేర్ చేస్తుంది. ఇటీవల మెక్సికోలోని చీకటి గుహలో శ్రియ డ్యాన్స్ చేయగా ఆ డ్యాన్స్ నెటిజన్స్ని ఎంతగానో ఆకట్టుకుంది. శ్రియ ప్రస్తుతం హిందీలో “తడ్కా” సినిమాలో, తమిళంలో ‘నరగాసురన్’, ‘సండకారి’ సినిమాలలో నటిస్తోంది.
previous post
‘సీటీమార్’ విజయంపై ప్రభాస్ కామెంట్స్