రామ్ గోపాల్ వర్మ అనే పేరు వినగానే ఎవరికైనా ముందుగా గుర్తొచ్చేది వివాదం. సోషల్ మీడియాలో తనదైన శైలిలో వివాదాస్పద పోస్టులతో ఎప్పుడూ వార్తల్లో నిలుస్తుంటాడు వర్మ. ప్రస్తుతం దివంగత ఎన్టీఆర్ జీవితచరిత్ర ఆధారంగా “లక్ష్మీస్ ఎన్టీఆర్” చిత్రాన్ని తెరకెక్కిస్తున్నారు వర్మ. ఈ చిత్రం నుంచి ఇటీవల విడుదల చేసిన రెండు పాటలు ఇండస్ట్రీలో సంచలనం సృష్టించాయి. ఇటీవల వరుసగా సినిమా నుంచి ఎన్టీఆర్, లక్ష్మీ పార్వతి, చంద్రబాబు నాయుడు పాత్రల లుక్స్ విడుదల చేశారు. తాజాగా వర్మ తన అభిమానులను ఓ ఫోటో విడుదల చేస్తూ ఆ ఫోటోలో ఉన్న ఇద్దరూ ఎవరో చెప్పుకోవాలని అడిగారు. ఆ ఫొటోలో ఎన్టీఆర్ పాత్రధారి దీర్ఘాలోచనలో ఉండగా, వెనుకవైపు చంద్రబాబు ఉన్నట్టుగా కనిపిస్తోంది. ఇక ఈ పిక్ పై నెటిజన్లు తమ స్పందన తెలియజేస్తున్నారు. రామ్ గోపాల్ వర్మ ట్విట్టర్ లో ఈ ఫోటోను షేర్ చేశారు.
Guess who these two characters are from #LakshmisNTR ? pic.twitter.com/9lC5i4sQVj
— Ram Gopal Varma (@RGVzoomin) January 23, 2019