మా ఎన్నికల్లో గెలిచి అధ్యక్ష పీఠాన్ని కైవసం చేసుకున్న మంచు విష్ణు ఈ రోజు ఉదయం 11 గంటలకు ప్రమాణ స్వీకారం చేయనున్నారు. ఫిల్మ్ నగర్ కల్చరల్ సెంట‌ర్‌లో పదవి ప్రమాణ స్వీకారానికి ఏర్పాట్లు పూర్తయ్యాయి.
మా ఎన్నిక‌ల అధికారి కృష్ణ మోహ‌న్ విష్ణు చేత ప్ర‌మాణ‌స్వీకారం చేయించ‌నున్నారు. విష్ణుతో పాటు ప్యానెల్ స‌భ్యులు కూడా నేడు ప్ర‌మాణం చేయనున్నారు. ఫిల్మ్ నగర్ కల్చరల్ సెంట‌ర్‌లో జ‌రిగే ఈ వేడుక‌కు ప‌లువురు సినీ ప్ర‌ముఖులు పరుచూరి బ్రదర్స్, కైకాల సత్యనారాయణ, కోట శ్రీనివాసరావు, బ్రహ్మానందంను కలిసి ప్రమాణా స్వీకార మహోత్సవానికి హాజ‌రు కానున్న‌ట్లు స‌మాచారం. ముఖ్యఅతిథిగా తెలంగాణ పశుసంవర్ధక, సినిమాటోగ్రఫీ మంత్రి తలసాని శ్రీనివాస్‌ యాదవ్ ముఖ్య అతిథిగా హాజరుకానున్నారు.
ఈ నెల 10న అత్యంత నాట‌కీయ ప‌రిణామాల మ‌ద్య మా ఎన్నికల్లో మంచు విష్ణు ప్ర‌కాశ్ రాజ్‌పై 107 ఓట్ల తేడాతో గెలుపొందిన విష‌యం తెలిసిందే. ఈ క్ర‌మంలో మూవీ ఆర్టిస్ట్ అసోసియేషన్ (‘మా’ )అధ్యక్షుడిగా మంచు విష్ణు 13వ తేదీన బాధ్యతలు స్వీకరించారు. అనంతరం ఆయన పెన్షన్ల ఫైల్ పై తొలి సంతకం చేసిన విష‌యం తెలిసిందే.
దర్శకనిర్మాతలు చెప్పేదొకటి చేసేది మరొకటి : శ్రీయ శరణ్