ఐకాన్ స్టార్ అల్లు అర్జున్, రష్మిక జంటగా నటించిన చిత్రం ‘పుష్ప’. డిసెంబర్17న విడుదలైన ఈ చిత్రం బాక్సాఫీస్ వద్ద భారీ వసూళ్లు సాధించింది.
సుకుమార్-బన్నీ కాంబినేషన్లో శేషాచలం ఎర్రచందనం నేపథ్యంగా తీసిన ఈ సినిమా బ్లాక్బస్టర్ హిట్గా నిలిచింది. ఇక ఈ చిత్రంలో బన్నీ మాస్ యాక్టింగ్తో పాటు పాటలన్నీ సూపర్ హిట్గా నిలిచాయి.
ఇప్పటికే చిత్ర యూనిట్ విడుదల చేసిన ‘దాక్కో దాక్కో మేక’ వీడియో సాంగ్ యూట్యూబ్లో రికార్డ్ వ్యూస్తో దూసుకుపోతోంది.
జనవరి 7, శుక్రవారం రాత్రి 8 గంటల నుంచి పుష్ప చిత్రం ప్రైమ్ వీడియోలో స్ట్రీమింగ్ మొదలు కానుంది. ఈ క్రమంలోనే ‘సామీ సామీ’ పూర్తి వీడియో సాంగ్ను రిలీజ్ చేశారు. తెలుగుతో పాటు మిగతా భాషల్లోనూ ఈ సాంగ్ను రిలీజ్ చేశారు. ఇందులో రష్మిక.. తనదైన స్టెప్పులతో అలరించింది.
ఈ సినిమాకు చంద్రబోస్ లిరిక్స్ అందించగా దేవీ శ్రీ ప్రసాద్ సంగీతం అందించిన ఈ పాటను మౌనిక యాదవ్ ఫోక్ సింగర్ అద్భుతంగా ఆలపించారు. ఈ సినిమాలో ఫహాద్ ఫాజిల్, సునీల్, అనసూయ కీలకపాత్రలు పోషించారు.