ఓరచూపులతో
నా గుప్పెడు మనసుకు
గాలమేస్తావు
మందహాసంతో నా మదిని
మాయచేస్తావు
కవ్వించే కళ్ళతో చూపుల చెరలో
ప్రేమ ఖైదీని చేస్తావు
సిగ్గుతో ఎరుపెక్కిన
మందార మొగ్గల బుగ్గలతో
మనసును దోస్తావు
తేనెవంటి పలుకులతో
ప్రేమ విందు చేస్తావు
కందిరీగ నడుముతో
మనసు మైదానంలో
నాట్యమే చేస్తావు
పురివిప్పిన మయూరంలా,
సప్తవర్ణాల ఇంద్రధనుస్సు లా
అందాలన్నీ ఒలకబోస్తావు
నా నయనాల ఛాయాగ్రహంలో…
ప్రణయ కాంతా!
వలపుల వసంతమా!
“ధన్యోస్మి!”…………
—గద్వాల సోమన్న, ఎమ్మిగనూరు