పాకిస్థాన్‌ మాజీ అధ్యక్షుడు పర్వేజ్‌ ముషారఫ్‌ సంచలన వ్యాఖ్యలు చేసిన ఓ వీడియో క్లిఫ్‌ బయటపడింది. ఉగ్రవాదులంతా తమ హీరోలని ముషారఫ్‌ వ్యాఖ్యానించారు. ఒసామా బిన్‌ లాడెన్‌, జవహిరీ, జలాలుద్దీన్‌ హక్కానీ పాకిస్థాన్‌ హీరోలు అని ముషారఫ్‌ పేర్కొన్నారు.
అంతే కాదు కశ్మీరీలకు పాకిస్థాన్‌లో శిక్షణ ఇచ్చి ఉగ్రవాదం వైపు మళ్లించామని ఆ ఇంటర్వ్యూలో ముషారఫ్‌ చెప్పారు. అయితే ఆ వీడియో క్లిఫ్‌ను పాకిస్థాన్‌ రాజకీయ నాయకులు ఫర్హాతుల్లా బాబర్‌ అనే వ్యక్తి సోషల్‌ మీడియాలో పోస్టు చేశారు. ఆ ఇంటర్వ్యూ ఎప్పుడు జరిగిందో మాత్రం తెలియదు.
ఆ ఇంటర్వ్యూలో ముషారఫ్‌ మాట్లాడుతూ కశ్మీరీలు పాకిస్థాన్‌ వచ్చేవారు. వారికి ఉగ్రవాదంలో శిక్షణ ఇచ్చి మద్దతు తెలిపాం. వారిని ముజాహిద్దీన్‌ ఉగ్రవాదులుగా మార్చి ఇండియన్‌ ఆర్మీపై ఫైట్‌ చేయాలని చెప్పాం. ఆ తర్వాత లష్కరే తోయిబా లాంటి ఉగ్రవాద సంస్థలు పుట్టుకొచ్చాయి. 1979 కాలంలో పాకిస్థాన్‌ ప్రయోజనాల కోసం ఆప్ఘనిస్థాన్‌లో ఉగ్రవాదాన్ని ప్రోత్సహించి.. ప్రపంచం నలు మూలల నుంచి ముజాహిద్దీన్‌లను తీసుకువచ్చాం. వారికి శిక్షణ ఇచ్చి ఆయుధాలను కూడా సరఫరా చేశామని పేర్కొన్నారు.