పవన్ కళ్యాణ్ను టార్గెట్ చేస్తూ ఆర్జీవీ ‘పవర్ స్టార్’ సినిమా తెరకెక్కిస్తుంటే.. పవన్ కళ్యాణ్ ఫ్యాన్స్ ‘పరాన్నజీవి’ అంటూ వర్మపైనే సినిమాని తీస్తున్నారు. ఏ రోజైతే వర్మ ‘పవర్ స్టార్’ సినిమా రిలీజ్ చేస్తానన్నారో అదే రోజు జూలై 25న ‘పరాన్నజీవి’ సినిమాను ఆన్ లైన్లో విడుదల చేస్తున్నట్టు ప్రకటించారు పవన్ అభిమానులు. బిగ్ బాస్ సీజన్ 2 కంటెస్టెంట్, పవన్ కళ్యాణ్ భక్తుడు నూతన్ నాయుడు ఈ ‘పరాన్న జీవి’ చిత్రానికి దర్శకత్వం వహిస్తుండగా.. ఈ మూవీ ట్రైలర్ను కూడా ఇటీవలే రిలీజ్ చేశారు. రెక్లెస్ జెనిటిక్ వైరస్’ అనేది ట్యాగ్ లైన్. పవన్ అభిమాని, జబర్దస్త్ కమెడియన్ షకలక శంకర్ వర్మ పాత్రను చేస్తుండగా.. ఇటీవల విడుదల చేసిన ట్రైలర్లో వర్మపై ఓ రేంజ్ సెటైర్లు పేలాయి. 99 థియేటర్ బ్యానర్పై స్కై మీడియా ప్రైవేట్ లిమిటెడ్ నిర్మాణ సారథ్యంలో రూపొందుతున్న చిత్రానికి సీఎస్ నిర్మాత. ఈరోజు (జూలై 22) ఉదయం 11 గంటలకు ఆర్జీవీ ‘పవర్ స్టార్’ మూవీ ట్రైలర్ను విడుదల చేయగా.. దీనికి పోటీగా పరాన్నజీవి పోస్టర్స్, సాంగ్స్ను విడుదల చేశారు. తాజాగా విడుదలైన పోస్టర్లో యువతి తొడపై మందు గ్లాస్ పెట్టి.. వర్మ (షకలక శంకర్) టేక్ చెప్పే పోస్టర్ను విడుదల చేశారు. మొత్తానికి వర్మ వర్సెస్ పవన్ ఫ్యాన్స్ మధ్య వార్ మొదలైంది.
previous post
స్టార్ కిడ్ పై తాప్సి సంచలన వ్యాఖ్యలు