ఆదివారం రాత్రి కింగ్ నాగార్జున హోస్ట్ చేసిన బిగ్ బాస్ సీజన్ 3 విజేతగా సింగర్ రాహుల్ సిప్లిగంజ్‌ను ప్రకటించారు. శ్రీముఖికి రన్నరప్ టైటిల్ దక్కింది. బాబా భాస్కర్ మూడోస్థానంలో, వరుణ్ సందేశ్ నాలుగో స్థానంలో, అలీ చివరి స్థానంలో నిలిచారు. విజేతగా అవతరించిన రాహుల్ సిప్లిగంజ్‌కు టైటిల్‌తో పాటు రూ. 50 లక్షల ఫ్రైజ్ మనీని మెగాస్టార్ చేతుల మీదుగా అందించారు నాగార్జున. అయితే రాహుల్‌కి సపోర్ట్ చేసిన ఆడియన్స్ సంబరాల్లో మునిగితేలుతుంటే.. అతన్ని హేట్ చేసే వారు మాత్రం సోషల్ మీడియా వేదికగా ఆగ్రహం వ్యక్తం చేస్తున్నారు.
Congratulations #RahulSipligunj for winning #BiggBossTelugu3 title. Wishing you all the very best for your future endeavours 👍#BB3TeluguFinale pic.twitter.com/jeFcJIJS5o
— STAR MAA (@StarMaa) November 3, 2019
ఈ సీజన్‌లో మహా బద్దకిస్ట్‌గా.. తన పని తానే చేసుకోలేక ఇతరులపై ఆధారపడే వాడిగా.. వండిన దాన్ని తెచ్చుకుని తినడానికి కూడా బద్దకించి ఎవరొకరు తెచ్చి ఇస్తే బావుండు అని చేసేవాడిగా.. పునర్నవితో పులిహార కలుపుతాడు కాని.. టాస్క్‌లు అంటే బెంబేలెత్తిపోయి.. కనీసం ఒక్కసారి కూడా హౌస్‌కి కెప్టెన్ కాలేకపోయిన ఇలాంటి బద్దకస్తుడికి బిగ్ బాస్ టైటిల్ ఎలా ఇచ్చారంటూ బిగ్ బాస్‌ను నిలదీస్తున్నారు. కాగా.. బిగ్ బాస్ సీజన్ 2 కంటెస్టెంట్స్, మూవీ క్రిటిక్ మహేష్ కత్తి బిగ్ బాస్ టైటిల్‌ను రాహుల్‌కి ఇవ్వడాన్ని తప్పుపడుతూ ఘాటు వ్యాఖ్యలు చేశాడు. టైటిల్ అతనికి ఇవ్వడంతో బిగ్ బాస్ ప్రతిష్ఠ మొత్తం పోయిందంటున్నారు మహేష్ కత్తి. “బిగ్ బాస్ 2, బిగ్ బాస్ 3 వరుసగా బిగ్ బాస్ షో ప్రతిష్ఠని దిగజార్చే ఫైనల్ రిజల్ట్స్‌తో ముందుకు వెళ్లాయి. బహుశా మన జనబాహుళ్యం మీద కూడా అదొక రిఫ్లేక్షన్ కావచ్చు” అంటూ ఫేస్ బుక్‌లో పోస్ట్ వదిలారు. అయితే మహేష్ కత్తి వాదనను సమర్ధిస్తూ.. పలువురు స్పందనలు తెలియజేస్తున్నారు. ‘ఈ రిజల్ట్‌తో వచ్చే సీజన్ చూడకూడదని డిసైడ్ అయ్యా.. అనవసరంగా చూసి ఇలా మనసు పాడు చేసుకోవడం నచ్చలేదు’, ‘సోమరిపోతు… నోటికొచ్చినట్లుగా పెట్రేగే అహంకారిని బిగ్ బాస్ 3 విన్నర్‌గా చూడగలగడం.. ఆడపడుచుని అహంకారంగా అవమానపరిచిన వాడిని ఆమె ముందే విన్నర్ అనడం స్త్రీ జాతికే అవమానం’, బిగ్ బాస్ 4 చూడక్కర్లేదు. పరమ బద్ధకస్తుడు, నోటి దురుసు వాడ్ని గెలిపించడం నాకు నచ్చలేదు’ అంటూ మహేష్ వాదనను బలపరుస్తున్నారు ఆయన ఫాలోవర్స్.