అగ్రరాజ్యం అమెరికా నూతన అధ్యక్షుడిగా జో బైడెన్ ఎన్నికయ్యారు. అమెరికా 46వ అధ్యక్షుడిగా బైడెన్ త్వరలోనే బాధ్యతలు చేపట్టనున్నారు. పెన్సిల్వేనియా 20 ఎలక్టోరల్ ఓట్లతో బైడెన్ మ్యాజిక్ ఫిగర్ 270ని అధిగమించాడు. డెమొక్రటిక్ పార్టీ అభ్యర్థి జో బైడెన్ ప్రస్తుతం 284 ఎలక్టోరల్ ఓట్లతో అధ్యక్ష పీఠాన్ని కైవసం చేసుకున్నాడు. మాజీ అధ్యక్షుడు బరాక్ ఒబామా హయంలో బైడెన్ వైస్ ప్రెసిడెంట్గా సేవలందించారు. అమెరికా తొలి మహిళా ఉపాధ్యక్షురాలిగా ఇండియన్ అమెరికన్ కమలా హ్యారీస్ చరిత్ర సృష్టించారు. జార్జియా, నెవెడాలోనూ బైడెన్ ఆధిక్యంలో ఉన్నారు. శనివారం రాత్రి వరకు ప్రస్తుత అధ్యక్షుడు డొనాల్డ్ ట్రంప్ 214 ఎలక్టోరల్ ఓట్లకే పరిమితమయ్యారు. చాలా రాష్ట్రాల్లో ఓట్ల లెక్కింపు కొనసాగుతుండగా మరికొన్ని రోజుల్లో ఎన్నికల ఫలితాలను అధికారులు అధికారికంగా ప్రకటించనున్నారు.
previous post