అలీ అబ్బాస్ జాఫర్ దర్శకత్వంలో కండల వీరుడు సల్మాన్ ఖాన్, బాలీవుడ్ స్టార్ హీరోయిన్ కత్రినా కైఫ్ జంటగా నటించిన “భారత్” చిత్రం ఈద్ కానుకగా ప్రేక్షకుల ముందుకు వచ్చింది. ఈ సినిమా భారీ కలెక్షన్స్ తో హిట్ టాక్ తో దూసుకెళ్తోంది. సల్మాన్ కెరీర్ లోనే అత్యధిక ఓపెనింగ్ కలెక్షన్స్ సాధించింది”భారత్”. సెకండ్ డే కలెక్షన్స్ జోరు కాస్త తగ్గినప్పటికీ సెంచరీ ఈజీగా కొట్టేయగలడని ట్రేడ్ వర్గాలు అంటున్నాయి. ఈ సినిమా రెండు రోజుల కలెక్షన్స్ 73 కోట్లకు చేరింది. సల్మాన్ కి ప్రతి ఏడాది ఈద్ సెంటిమెంట్ కలిసొచ్చినట్లుగానే ఈ ఏడాది రంజాన్ కూడా కలిసొచ్చింది. మొదటిరోజు “భారత్” సినిమా 42.30 కోట్లను కలెక్ట్ చేసింది. గురువారం 31 కోట్లను కలెక్ట్ చేసిన “భారత్” టోటల్ గా 73.31 కోట్లను అందుకుంది. మరో రెండ్రోజుల్లో ఈ సినిమా వంద కోట్ల క్లబ్బులో చేరడం ఖాయమంటున్నారు.
వందకోట్ల దిశగా పరుగులు తీస్తున్న “భారత్”
