లేడీ సూపర్ స్టార్ నయనతార, ఆర్జే బాలాజీ ప్రధాన పాత్రలు పోషించిన తమిళ చిత్రం ‘మూకుట్టి అమ్మన్’. ‘అమ్మోరు తల్లి’ సినిమా కథను ఆర్జే బాలాజీ, ఎన్.జె. శరవణన్ సంయుక్తంగా రాశారు. వీరిద్దరే దర్శకత్వం కూడా వహించారు. వేల్స్ ఫిలింస్ ఇంటర్నేషనల్ బ్యానర్‌‌పై ఇషారి కె గణేష్ ఈ చిత్రాన్ని నిర్మించారు. గిరీష్ గోపాలకృష్ణన్ సంగీతం సమకూర్చారు. ఊర్వశి, అజయ్ ఘోష్, మౌళి, స్మృతి వెంకట్ ముఖ్య పాత్రలు పోషించారు. ఈ సినిమాను తెలుగులో ‘అమ్మోరు తల్లి’ పేరుతో విడుదల చేస్తున్నారు. ఓటీటీ ద్వారా విడుదలవుతోన్న ఈ సినిమా ఈనెల 14 నుంచి డిస్నీ+ హాట్‌స్టార్‌లో అందుబాటులోకి రానుంది. ఇప్పటికే విడుదలైన ‘అమ్మోరు తల్లి’ ట్రైలర్, ఎల్‌ఆర్ ఈశ్వరి ఆలపించిన టైటిల్ సాంగ్ ఆకట్టుకున్నాయి. ఇప్పుడు ఈ సినిమా నుంచి మరో పాటను విడుదల చేశారు.
దేవుడి పేరుతో దొంగ బాబాలు ప్రజలను ఎలా మోసం చేస్తున్నారు అనే కాన్సెప్ట్‌తో తెరకెక్కిన ఈ సినిమాలో భగవతి బాబా పాత్రను తెలుగు నటుడు అజయ్ ఘోష్ పోషించారు. ఈ సినిమాలో ప్రతినాయకుడిగా నటించిన అజయ్ ఘోష్‌పై ‘భగవతి బాబా’ అనే సాంగ్ కూడా ఉంది. ఈ వీడియో సాంగ్‌ను తాజాగా విడుదల చేశారు. సినిమాలో అజయ్ ఘోష్ పాత్ర ఎలా ఉండబోతోంది ఈ పాట ద్వారా ప్రేక్షకులకు తెలియజేశారు మేకర్స్. ఈ పాటను గిరీష్ గోపాల్‌కృష్ణన్ స్వరపరిచారు. ఆంటొని దాసన్ ఆలపించారు. రహ్మాన్ సాహిత్యం అందించారు.
మా అన్న తమ్ముల మధ్య గొడవ పెట్టె దమ్ముందా మీకు..