కరోనా సెకండ్ వేవ్ క‌ల్లోల‌మే సృష్టిస్తోంది.. ఈ త‌రుణంలో.. వ్యాక్సిన్ల గురించి కూడా పెద్ద ఎత్తున చ‌ర్చ సాగుతోంది.. ఇప్ప‌టికే ప‌లు ర‌కాల టీకాలు అందుబాటులోకి వ‌చ్చాయి.. ఇక, ఆ మ‌ధ్యే కరోనా వైరస్ ఉద్ధృతికి కళ్లెం వేసే యాంటీవైరల్ ఔషధాన్ని గుర్తించారు అమెరికా శాస్త్రవేత్తలు. కోవిడ్ బాధితుడి నుంచి 24 గంటల్లోనే వైరస్ వ్యాప్తికి అడ్డుకట్ట వేసేందుకు ఇది ఎంతో ఉప‌యోగ‌ప‌డుతుంద‌ని తేల్చారు.. అదే.. మోల్నుపిరావిర్ అనే యాంటీవైరల్ ఔషధం. జార్జియా స్టేట్ విశ్వవిద్యాలయ శాస్త్రవేత్తలు ఈ ఆవిష్కారం చేశారు.. మోల్నుపిరావిర్ అనే ఈ యాంటీ వైరల్ ఔషధాన్ని తొలుత ఇన్ఫ్లూయెంజా వైరస్ల కోసం అభివృద్ధి చేయ‌డం జ‌రిగింది.. శ్వాసకోశ వ్యవస్థలో ఇన్ఫెక్షన్లు కలిగించే ఆర్ఎన్ఏ వైరస్లపై మోల్నుపిరావిర్ సమర్థంగా పనిచేస్తుందని రుజువు చేశారు.. ఇన్ఫెక్షన్ సోకిన జంతువులకు నోటి ద్వారా ఈ ఔషధాన్ని ఇచ్చినప్పుడు.. వాటి నుంచి బయటకు వెలువడే వైరల్ రేణువులు గణనీయంగా తగ్గుతాయని ప్ర‌యోగాల్లో తేల్చారు.. దీంతో వైరస్ వ్యాప్తి త‌గ్గుతుందంటున్నారు.. మోల్నుపిరావిర్ను కొవిడ్ కట్టడికి అనువైన మందుగా గుర్తించారు. ఇది నోటి ద్వారా తీసుకునే మందు. కరోనా వ్యాప్తిని వేగంగా అడ్డుకునే సామర్థ్యమున్న ఔషధాన్ని గుర్తించటం ఇదే మొద‌టిసారి కావ‌డం మ‌రో విశేషం.. కోవిడ్ చికిత్స‌లో ఇది మూడు రెట్లు ప్రయోజనంగా ఉంటుందంటున్నారు.
కరోనాకు కొత్త మందు…
