కొన్ని సంవ‌త్స‌రాలుగా మంచి రేటింగ్‌తో దూసుకెళుతున్న రియాలిటీ షో కౌన్‌ బనేగా కరోడ్‌పతి. ఈ కార్య‌క్ర‌మాన్ని బేస్ చేసుకొని పలు ప్రాంతీయ భాష‌ల‌లోను షోస్ రూపొందుతున్నాయి. దిగ్గజ నటుడు అబితాబ్ బచ్చన్ వ్యాఖ్యాతగా వ్యవహరిస్తున్న ‘కౌన్‌ బనేగా కరోడ్‌ పతి’ షో ప్రస్తుతం 12వ సీజన్ కొనసాగుతోంది. అయితే ‘కౌన్‌ బనేగా కరోడ్‌పతి’ షోలో తాజాగా ఓ కంటెస్టెంట్ తన భార్యపై జోక్ వేశాడు.దీంతో అమితాబ్ ఆగ్రహం వ్యక్తం చేశారు. షోలో భాగంగా కంటెస్టెంట్‌ను సాధారణంగా పలు ప్రశ్నలు అడిగారు. ఇందులో గెలిచిన డబ్బు ఏం చేస్తారని ప్రశ్నించారు. దీనికి కంటెస్టెంట్ స్పందిస్తూ.. 15 ఏళ్లుగా తన భార్య ముఖాన్ని చూసి విసుగొచ్చిందని చెప్పాడు. తాను ఈ షోలో గెలుచుకునే డబ్బుతో ఆమెకు ప్లాస్టిక్ సర్జరీ చేయిస్తానని జోక్ వేశాడు. దీంతో సరదాకి కూడా ఇలాంటి మాటలు అనకూడదని బిగ్ బీ అన్నారు. ఆయన మాట్లాడిన మాటలు సీరియస్‌గా తీసుకోవద్దని ఆ కంటెస్టెంట్ భార్యకు అమితాబ్ బచ్చన్ చెప్పారు.
కేబీసీ-12 : భార్యపై కంటెస్టెంట్ జోక్… అమితాబ్ ఫైర్
