హృతిక్ డాన్స్ మూవ్‌మెంట్స్ చూసి బెదిరిపోయాను అంటోంది బాలీవుడ్ హీరోయిన్ వాణి కపూర్. తెలుగులో నేచురల్ స్టార్ నాని సరసన ‘ఆహా కల్యాణం’ సినిమాలో నటించిన వాణి కపూర్ ఆ తర్వాత బాలీవుడ్‌పై దృష్టి సారించింది. రణ్‌వీర్ సింగ్, సుశాంత్ సింగ్ రాజ్‌పుత్ వంటి హీరోల సరసన నటించింది. ఇక గతేడాది బాలీవుడ్ బ్లాక్‌బస్టర్ ‘వార్’ సినిమాలో హృతిక్ రోషన్ సరసన నటించి మెప్పించింది. ఆ సినిమాలో హృతిక్‌తో కలిసి అద్భుతంగా డ్యాన్స్ చేసింది. వీరిద్దరూ కలిసి డ్యాన్స్ చేసిన ‘ఘాంగ్రూ’ సాంగ్ బాగా వైరల్ అయిన సంగతి తెలిసిందే. ఈ పాట గురించి తాజాగా వాణి స్పందించింది. ‘హృతిక్‌తో డ్యాన్స్ అంటేనే భయపడ్డాను. ఆ పాటలో హృతిక్ మూవ్‌మెంట్స్ చూసి బెదిరిపోయాను. ఆ పాటలో నన్ను లేకుండా చేయమని కొరియోగ్రాఫర్‌ను వేడుకున్నాను. కానీ, కుదరలేదు. ఆ పాటలో ఓ స్టెప్ నన్ను చాలా ఒత్తిడికి గురి చేసింది. ఎలాగో కష్టపడి చేశాను. నా డ్యాన్స్‌కు వచ్చిన ఆదరణను ఎప్పటికీ మర్చిపోలేను’ అని వాణి చెప్పింది.
హృతిక్ డాన్స్ మూవ్‌మెంట్స్ చూసి బెదిరిపోయాను… వాణి కపూర్
