మూడురోజుల ముందే అమెరికాలో దీపావళి వేడుకలు ప్రారంభమయ్యాయి. ఇక టెక్సాస్ గవర్నర్ గ్రెగర్ అబాట్ శనివారమే భారత్-అమెరికా ప్రతినిధులతో కలిసి పండుగ జరుపుకున్నారు. మరికొందరు ప్రజాప్రతినిధులు ట్విట్టర్ ద్వారా తమ వేడుకలను పంచుకున్నారు. అమెరికా అధ్యక్షుడు ట్రంప్ కూడా ప్రతి ఏటా దీపావళి జరుపుకుంటూనే ఉన్నారు. అయితే ఈ ఏడాది డొనాల్డ్ ట్రంప్ మూడు రోజుల ముందే దీపావళిని జరుపుకోనున్నారు. వైట్ హౌజ్ లో గురువారం జరిగే దీపావళి వేడుకల్లో ట్రంప్ పాల్గొంటారు. 2009 నుంచి వైట్ హౌజ్ లో దీపావళి జరుపుకోవడం ఆనవాయితీగా వస్తోంది.
ట్రంప్ వరుసగా మూడో ఏడాది ఈ పండుగ జరుపుకుంటున్నారు. దీపాలను వెలిగించడం ద్వారా వేడుకలను ట్రంప్ ప్రారంభిస్తారు. ఈ మేరకు వైట్ హౌజ్ ఓ ప్రకటనలో వెల్లడించింది. అమెరికన్ ప్రెసిడెంట్ దీపావళి జరుపుకోవడం ద్వారా భారతీయ పండుగకు అంతర్జాతీయ ప్రాచుర్యం లభిస్తోంది. అమెరికాలోని ఇండియన్లు దీపావళిని ఘనంగా జరుపుకునేందుకు ఏర్పాట్లు జరుగుతున్నాయి.
రాష్ర్టాభివృద్ధిని చూసే ఎమ్మెల్యేలు పార్టీలో చేరుతున్నారు: మంత్రి ఎర్రబెల్లి