రాజకీయాల కారణంగా మూడు ఏళ్ళు సినిమాలకు దూరంగా ఉన్న పవర్ స్టార్ పవన్ కళ్యాణ్ “వకీల్ సాబ్’ తో రీ ఎంట్రీ ఇవ్వనున్నాడు. దిల్ రాజు నిర్మాత వేణు శ్రీరామ్ దర్శకత్వంలో రాబోతున్న ఈ సినిమాపై మంచి అంచనాలే ఉన్నాయి. ఈ సినిమాను హిందీ మూవీ పింక్కు రీమేక్గా తెరకెక్కిస్తున్నారు. ఇందులో పవన్ కళ్యాణ్ లాయర్ గెటప్లో కనిపించనున్నాడు. ఇప్పటికే ఈ సినిమా ట్రైలర్ కు మంచి రెస్పాన్స్ వచ్చింది. ఈ చిత్రంలో అంజలి, నివేథా థామస్, అనన్య ప్రధాన పాత్రల్లో నటిస్తున్నారు. ఇక తాజాగా ఈ సినిమా సెన్సార్ పూర్తి చేసుకుంది. అందులో ఈ సినిమా యూ/ఏ సర్టిఫికెట్ సొంతం చేసుకుంది. సెన్సార్ టాక్ అయితే వకీల్ సాబ్కు చాలా బాగా వచ్చిందని ఇండస్ట్రీ వర్గాల నుంచి వస్తున్న సమాచారం. అయితే ఈ ఏడాది ఏప్రిల్ 9న ఈ సినిమాను థియేటర్లలో వరల్డ్ వైడ్గా రిలీజ్ చేయనున్నారు. ఈ సినిమా తర్వాత ప్రస్తుతం పవన్ మలయాళ హిట్ చిత్రం ‘అయ్యప్పనుమ్ కోషియుమ్’ తెలుగు రీమేక్ చేస్తున్న విషయం తెలిసిందే.
previous post
పోటీ ప్రపంచంలో తెలుగు కంటే ఇంగ్లీషు అవసరమే ఎక్కువ: కత్తి మహేశ్