దర్శకురాలు నందిని రెడ్డి దర్శకత్వంలో సమంత ప్రధాన పాత్రలో “ఓ బేబీ” అనే సినిమాను తెరకెక్కిస్తున్నారు. “ఎంత సక్కగున్నావే” అనేది ట్యాగ్ లైన్. “మిస్ గ్రానీ” అనే కొరియన్ సినిమాను నందిని రెడ్డి రీమేక్ చేస్తున్నారు. ఈ సినిమాలో సమంత సరికొత్త లుక్ లో కనిపించనుంది. మిక్కి జె.మేయర్ సంగీతం అందించిన ఈ చిత్రానికి రిచర్డ్ ప్రసాద్ సినిమాటోగ్రఫీ అందించారు. పీపుల్ మీడియా ఫ్యాక్టరీ, సురేశ్ ప్రొడక్షన్స్ సంయుక్తంగా నిర్మిస్తున్న ఈ సినిమా ఇటీవలే షూటింగ్ పార్ట్ పూర్తి చేసుకుంది. సీనియర్ హీరోయిన్ లక్ష్మి ఈ సినిమాలో కీలకమైన పాత్రలో నటించారు. ఊర్వశి, రాజేంద్రప్రసాద్, రావు రమేశ్, నాగశౌర్య ముఖ్యమైన పాత్రల్లో నటిస్తున్నారు. ఇప్పటికే ఈ చిత్రం నుంచి విడుదలైన టీజర్, ట్రైలర్లకు మంచి స్పందన లభించింది. ఈ సినిమా జూలై 5న ప్రేక్షకుల ముందుకు రానుంది. హైదరాబాద్ లోని ఓ థియేటర్ దగ్గర ఏర్పాటు చేసిన బాహుబలి సైజ్ సమంత కండల కటౌట్ పై ఫన్నీ కామెంట్లు చేస్తున్నారు నెటిజన్లు. తన స్నేహితుడు ఈ కటౌట్ ను తన జిమ్ కు వ్యాపార ప్రకటన నిమిత్తం వాడుకోవాలని భావిస్తున్నాడని, మీ కటౌట్ ను కొద్దిగా మార్చి కండలు కనిపించేలా చేశాడని చెప్పిన ఓ నెటిజన్ వ్యాఖ్యపై సమంత కూడా స్పందించింది. “బేబీ ఆన్ స్టెరాయిడ్స్” అని సమాధానం ఇచ్చింది.
Hii @Samanthaprabhu2 , my friend wants to use this for his gym as advertisement Cutout…😂😂😂
With some editing with muscle🙄🙄😋😋😂😂… What u say, he is your diehard fan and running gym in our town…😃😃#OHBaby! pic.twitter.com/5pGO2YCHWg— Amazing Person (@simply_arm) July 4, 2019