ప్రస్తుతం నాగశౌర్య హీరోగా రెండు సినిమాలు చేస్తున్నాడు. అందులో సంతోష్ జాగర్లపూడి దర్శకత్వంలో రూపొందుతోన్న చిత్రం ‘లక్ష్య’. సోనాలి నారంగ్ సమర్పణలో శ్రీ వేంకటేశ్వర సినిమాస్ ఎల్ఎల్పి, నార్త్స్టార్ ఎంటర్టైన్మెంట్ పతాకాలపై నారయణదాస్ కె. నారంగ్, పుస్కూర్ రామ్మోహన్రావు, శరత్ మరార్ సంయుక్తంగా నిర్మిస్తున్నారు. నాగశౌర్య సరసన కేతిక శర్మ హీరోయిన్గా నటిస్తోన్న ఈ చిత్రంలో ఒక కీలక పాత్రలో విలక్షణ నటుడు జగపతి బాబు నటిస్తున్నారు. స్పోర్ట్స్ డ్రామాగా ఆర్చరీ నేపథ్యంలో తెరెకెక్కుతుంది ఈ సినిమా. అందుకోసం తన శరీరాన్ని మరింత దృఢంగా మార్చుకున్నాడు. సూపర్ ఫిట్ బాడీతో, సిక్స్ ప్యాక్తో ఉన్న నాగశౌర్య ఫస్ట్లుక్ ఆకట్టుకుంది. ఇక ఈ మధ్యే ఈ సినిమా నుంచి టీజర్ రిలీజ్ చేసింది చిత్రబృందం. నాగశౌర్య బర్త్డే సందర్భంగా ఈ టీజర్ను చిత్ర బృందం రిలీజ్ చేసింది. ఈ టీజర్లో నాగశౌర్య తన సిక్స్ ప్యాక్తో హల్ చల్ చేశాడు. అయితే ఈ టీజర్ తనగా 6 మిలియన్ వ్యూస్ సంపాదించుకుంది. ఆ వ్యూస్ ఇంకా పెరుగుతూనే ఉన్నాయి. అయితే ఈ టీజర్తో లక్ష్య సినిమాపై భారీగా అంచనాలు పెరిగిపోయాయి. చూడాలి మరి సినిమా ఏం చేస్తుంది అనేది.
previous post