క్రీడా స్ఫూర్తిని పెంపొందించేందుకు ఈ నెల 25వ తేదీ నుండి స్పెషల్ సమ్మర్ కోచింగ్ ప్రారంభం

జిహెచ్ఎంసి ఆధ్వర్యంలో నిర్వహిస్తున్న సమ్మర్ కోచింగ్ క్యాంప్ లను ఈ నెల 25న మంగళవారం ఉదయం 8 గంటలకు  ఖైరతాబాద్ జోన్ చాదర్ ఘాట్ విక్టరీ ప్లే గ్రౌండ్ లో నగర మేయర్ గద్వాల్ విజయలక్ష్మి ప్రారంభించనున్నారు.

అదేవిధంగా మిగతా ఐదు జోన్లలో ఏప్రిల్ 26న సాయంత్రం 4 గంటలకు చార్మినార్ జోన్ లో కులి కుతుబ్ షా స్టేడియం, ఏప్రిల్ 27న ఉదయం 8 గంటలకు  సికింద్రాబాద్ జోన్ లో మారేడుపల్లి ప్లే గ్రౌండ్, ఏప్రిల్ 28న సాయంత్రం 4 గంటలకు కూకట్ పల్లి, శేరిలింగం పల్లి జోన్ పి.జె.ఆర్ చందానగర్ స్పోర్ట్స్ కాంప్లెక్స్ స్టేడియం, ఏప్రిల్ 29న ఉదయం 8 గంటలకు ఎల్బీనగర్ జోన్ ఉప్పల్ స్టేడియంలో  సమ్మర్ కోచింగ్ క్యాంప్ లను ప్రారంభిస్తారు.

జిహెచ్ఎంసి ఆధ్వర్యంలో ఈ నెల 25వ తేదీ నుండి మే 31వ తేదీ వరకు 353 ప్లే గ్రౌండ్ లలో 915 కోచింగ్ సెంటర్లను  సమ్మర్ కోచింగ్ క్యాంప్ లను 37 రోజుల పాటు నిర్వహించబడతాయి.  ఈ సమ్మర్ క్యాంపులలో 44 రకాల క్రీడలలో శిక్షణను ఇవ్వనున్నట్లు తెలిపారు. ఈ శిక్షణను 6 సంవత్సరాల నుండి 16 సంవత్సరాలలోపు పిల్లలకు జిహెచ్ఎంసి పరిధిలో వివిధ ప్లే గ్రౌండ్ లలో నిర్వహించడం జరుగుతుంది.