”కోలో కోలన్న కోలో” అంటూ వచ్చిన నాని పాట…

నాచురల్ స్టార్ నాని సినిమా అంటే అభిమానునల్లో అంచనాలు భారీగా ఉంటాయి. అతడి సినిమా అప్‌డేట్స్‌ కోసం ప్రేక్షకులు ఎంతో ఆసక్తిగా ఎదురుచూస్తుంటారు. అయితే నాని తాజాగా చేస్తున్న చిత్రం టక్‌జగదీష్ ఈ సినిమా ఏప్రిల్ నెలలో విడుదల చేయనున్నారు. ఈ సినిమాను నాని హీరోగా శివ నిర్వాన రూపొందించారు. ఇందులో పెళ్లి చూపులు ఫేమ్ రీతువర్మ హీరోయిన్‌గా నటిస్తున్నారు. తాజాగా టక్ జగదీష్ సినిమా నుంచి సరికొత్త పాట లిరికల్ వీడియోను రిలీజ్ చేశారు. ”కోలో కోలన్న కోలో” అంటూ సాగుతున్న ఈ పాట అభిమానులను ఆకట్టుకుంది. ఈ సినిమా ఫ్యామిలీ, రొమాన్స్ జానర్స్‌లో తెరకెక్కుతోంది. ఇందులో జగపతి బాబు, రావు రమేష్, నాజర్, ప్రవీన్, ఐశ్వర్య రాజేష్, రోహిని తదితరులు కీలక పాత్రల్లో నటిస్తున్నారు. ఈ సినిమాపై అంభిమానుల్లో భారీ అంచనాలు ఉన్నాయి. అయితే నాని ఈ సినిమాతో పేరుగా ప్రస్తుతం శ్యామ్ సింగరాయ్ అనే సినిమా కూడా చేస్తున్నాడు. అయితే మరి ఈ సినిమాలతోనైనా నాని అనుకున్న స్థాయి హిట్ అందుకుంటాడేమో వేచి చూడాలి.