తెలంగాణలో లాక్‌డౌన్‌ నేపథ్యంలో పేదలు తినడానికి తిండి లేకుండా బాధపడుతున్నారని తెలుసుకుని వారికి ఆదిలాబాద్‌ జిల్లా లాండసాంగ్వి రైతు మోర హన్మాండ్లు అనే రైతు సాయం చేయాలని నిర్ణయం తీసుకున్నాడు. ఈ నేపథ్యంలో టీఆర్ఎస్‌ నాయకురాలు కల్వకుంట్ల కవిత స్పందించారు. ఈ రైతు నిజమైన హీరో అంటూ ప్రశంసల జల్లు కురిపించారు.
లాక్‌డౌన్‌ నేపథ్యంలో పేదలకు తినడానికి తిండి దొరకడం లేదనే విషయం తెలిసింది. నాకున్న నాలుగెకరాల పొలంలో ఈ ఏడాది పంట కూడా బాగానే పండింది. ఇటీవలే పంట డబ్బులు వచ్చాయి. వారికి సాయం చేద్దామని నా కుమారులు తెలిపారు. దీంతో రూ.50 వేలు ఇవ్వాలని నిర్ణయించుకున్నాం’ అని రైతు మోర హన్మాండ్లు తెలిపారు. ఈ రైతు పై కవిత ఓ వార్తను పోస్ట్ చేశారు.