సినిమా ఇప్పుడు ప్రధాన వినోదం . సినిమా అంటే ఇష్టపడని వారు , చూడనివారు , మాట్లాడుకోనివారు ఉండరంటే అతిశయోక్తి కాదు . తెలుగులో మొదట మాట్లాడే సినిమా విడుదలైన రోజు ఫిబ్రవరి 6. అందుకే ఆ చిత్రం గురించి , దర్శకుడు గురించి తెలుసుకుందాం .
తెలుగులో మొదట మాట్లాడే సినిమా “భక్త ప్రహ్లాద ” విడుదలైన రోజు . ఈ సినిమాకు దర్శకత్వం వహించింది హెచ్ . ఎమ్ రెడ్డి గారు ఈ సినిమా ఫిబ్రవరి 6 , 1932లో విడుదలయ్యింది . అందుకే హెచ్ . ఎమ్ రెడ్డి గారిని తెలుగు టాకీ కి ఆద్యుడు అంటారు . మొదటి టాకీ భక్త ప్రహ్లాద విడుదలై నేటికీ సరిగ్గా 87 సంవత్సరాలు .
హెచ్ . ఎమ్ రెడ్డి 12 జూన్ 1892లో బెంగళూరు నగరంలో జన్మించాడు . ఆయన పూర్తి పేరు హనుమప్ప మునియప్ప రెడ్డి . బెంగళూరులోనే చదువుకున్నాడు . అక్కడే పోలీస్ అధికారిగా ఉద్యోగంలో చేరాడు అయితే బ్రిటిష్ వారి దగ్గర పనిచెయ్యడం ఇష్టంలేక ఆ వుద్యోగం వదిలేశాడు . ఆయనకు సినిమా అంటే ఎంతో ఇష్టం అందుకే బొంబాయి వెళ్లి అర్దేషిర్ ఇరానీ దగ్గర చేరాడు . ఆయనప్పుడు తొలి భారతీయ టాకీ ఆలం ఆరా నిర్మిస్తున్నాడు .
ఆ సినిమాకు హెచ్ . ఎమ్ రెడ్డి .సహాయ దర్శకుడుగా పనిచేశాడు . ఆ అనుభవంతోనే తెలుగులో భక్త ప్రహ్లాద సినిమాకు దర్శకత్వం వహించాడు . ఈ సినిమా నిర్మాణం అంతా బొంబాయి ఇంపీరియల్ స్టూడియో లో జరిగింది . భక్త ప్రహ్లాద పురాణ కథ. అప్పటికే దీనిని సురభివారు నాటకంగా ప్రదర్శిస్తున్నారు . ఇదే కథను సినిమాగా తీశారు .ఇందులో సి ఎస్ ఆర్ , ఎల్వి ప్రసాద్ ,సురభి కమలాబాయి మొదలైనవారు నటించారు . ఆ చిత్రం విడుదలై సంచలన విజయం సాధించింది . అప్పటివరకు మూకీ సినిమాలు చూడటానికి అలవాటుపడ్డ ప్రేక్షకులు మాట్లాడే భక్త ప్రహ్లాద చిత్రానికి బ్రహ్మ రధం పట్టారు .
ఆ తరువాత రెడ్డి గారు గృహలక్ష్మి ,తెనాలి రామకృష్ణ , ప్రతిజ్ఞ , వద్దంటే డబ్బు చిత్రాలను నిర్మించాడు .
కాళిదాస్ ,సీతా స్వయం వరం , గృహ లక్ష్మి , మాతృ భూమి ,చదువుకున్న భార్య , బారిస్టర్ పార్వతీశం ,తెనాలి రామకృష్ణ, ఘరానా దొంగ ,సతి సీత , నిర్దోషి, నిరపరాధి , ప్రతిజ్ఞ చిత్రాలకు దర్శకత్వం వహించాడు .
ఎల్వి ప్రసాద్, బి ఎన్ రెడ్డి , కెవి రెడ్డి , కమలాకర కామేశ్వర రావు లాంటి వారిని సినిమా రంగానికి పరిచయం చేశారు సినిమాను శ్వాసించి , శాసించిన మహోన్నత దర్శకుడు హెచ్ . ఎమ్ రెడ్డి ఆయన ఎప్పుడు తెలుగు సినిమాకు ఆరాద్యుగా ఉండిపోతాడు .
మా ప్రెసిడెంట్‌ని నాకూ ఏం చెప్పలేదు… బాలయ్య వ్యాఖ్యలపై నరేష్ రియాక్షన్