అగ్రరాజ్యంలో వింతలు, విశేషాలకు కొదవ ఉండదు. అక్కడ టీనేజర్లను సైతం మేయర్లుగా ఎన్నుకుంటూ ఉంటారు. తాజాగా మసాచుసెట్స్ లోని ఫెయిర్ హెవెన్ టౌన్ లో మరో ఆసక్తికర ఘటన చోటుచేసుకుంది. ఈ నగరానికి మేయర్ గా మూడేళ్ల వయసున్న లింకన్ అనే బుజ్జి మేక ఎన్నికయింది. శామీ అనే కుక్కపై పోటీచేసిన లింకన్ 3 ఓట్ల తేడాతో విజయం సాధించింది. అంతేకాకుండా నగర కౌన్సిల్ కు మరో 15 జంతువులు కూడా ఎన్నికయ్యాయి.
లింకన్ ఫెయిల్ హెవెన్ కు ఏడాది కాలం పాటు మేయర్ గా వ్యవహరించనుంది. ఈ విషయమై టౌన్ మేనేజర్ జో గంటర్ మాట్లాడుతూ.. పట్టణంలోని స్కూలు మైదానాన్ని అభివృద్ధి చేసేందుకు నిధుల కోసం ఈ కార్యక్రమాన్ని చేపట్టామని తెలిపారు. దీనివల్ల పిల్లలకు ఓటు హక్కు విలువ తెలిసిందని వ్యాఖ్యానించారు. మేయర్ గా మేక ఎన్నిక కావడంపై పలువురు విస్మయం వ్యక్తం చేస్తున్నారు.
రవితో యాంకరింగ్ పై శ్రీముఖి సంచలన నిర్ణయం…!