ఆస్ట్రేలియాలోని నడిరోడ్డుపై గొడవపడి ట్రాఫిక్ జామ్కు కారణమైన వారి ఆచూకీ గురించి వెతుకులాటలో పడ్డారు పోలీసులు. వివరాల్లోకి వెళ్తే… ఆస్ట్రేలియాలోని మిడిల్ స్వాన్ నగరంలో ఉన్న ఓ బిజీ హైవేపై ఆదివారం ఉదయం 11 గంటలకు భారీగా ట్రాఫిక్ జామ్ అయింది. ఏంటా అని వాహనదారులు చూడగా.. ఓ ఇద్దరు వ్యక్తులు కొట్టుకుంటున్నారు. వీరిని ఆపడానికి అనేక మంది వెళ్లి ప్రయత్నించినప్పటికీ.. రోడ్డుపై పడి కూడా కొట్టుకుంటూనే ఉన్నారు. అలా చాలా సేపటి తరువాత ఒక పది మంది కలిసి వారిని వేరు చేయడంతో గొడవ సద్దుమణిగింది. ఈ ఘటనను అక్కడే కారులో ఉండి చూస్తున్న ఓ యువతి అక్కడి పరిస్థితిని ఫొటోలు తీసింది. హైవేపై పట్టపగలు రోడ్డుపై పడి మరీ కొట్టుకుంటున్నారంటూ ఆ యువతి ఆ ఫొటోలను తన ఫేస్బుక్లో పెట్టింది. ఈ ఫొటోలు అటూ ఇటూ షేర్లు అవుతూ.. ఆ ప్రాంత పోలీసుల కంట పడ్డాయి. అంతే.. వెంటనే స్పందించిన పోలీసులు ఈ ఘటనకు సంబంధించిన వ్యక్తుల సమాచారం ఇవ్వాలని కోరారు. జరిగిన ఘటనను ఎవరైనా వీడియో రికార్డింగ్ చేసినట్టయితే తమకు అందించమంటూ సూచించారు.
previous post
సీఎం జగన్ చాలా నిబద్ధతతో పనిచేస్తున్నారు: ఏపీ సీఎస్