ఒకవైపు కోవిడ్, మరోవైపు వేట నిషేధ సమయంలో ఈ 1.2 లక్షల కుటుంబాలకు రూ.10వేల చొప్పున సహాయం వారికి ఉపయోగపడుతుందని మనస్ఫూర్తిగా భావిస్తున్నాను అనిసీఎం జగన్ అన్నారు. మత్స్యకారులు గుజరాత్‌ సహా ఇతర రాష్ట్రాలకు వెళ్లి, పాకిస్తాన్, బంగ్లాదేశ్‌ సరిహద్దులకు పోయి ఎందుకు చిక్కుకుపోతున్నారని గతంలో ఆలోచన చేయలేదు. ఈ ప్రభుత్వం దీనిపై దృష్టిపెట్టింది. వీరి జీవనోపాధి పెంచడానికి రాష్ట్రంలో 8 ఫిషింగ్‌ హార్బర్లు నిర్మించడానికి సన్నద్ధమవుతున్నాం అని తెలిపారు. రెండేళ్ల పాలనా కాకముందే మూడో మత్స్యకార భరోసా అమలు చేస్తున్నం అని జగన్ తెలిపారు. ఇచ్చిన మాట ప్రకారం ప్రతి మత్స్యకార కుటుంబానికి రూ.10వేల చొప్పున అధికారంలోకి వచ్చినప్పటినుంచి ఇస్తున్నాం. ఈ ఒక్క కార్యక్రమంద్వారా దాదాపుగా రూ.332 కోట్ల రూపాయలు మత్స్యకార కుటుంబాలకు అందించాం. గతంలో మత్స్యకార కుటుంబాలకు పేరుకు మాత్రం ఇస్తామని చెప్పేవారు.. అది ఎవరికి వచ్చేదో తెలియదు, ఎప్పుడు ఇస్తారో, ఏ రోజు ఇస్తారో తెలిసేది కాదు. ఆ ఇచ్చే నాలుగు వేలు కూడా దక్కని పరిస్థితి. వేటకు వెళ్లిన సమయంలో జరగరానిది జరిగితే.. గతంలో ఎప్పుడూ పట్టించుకునే పరిస్థితి లేదు. ఆక్వా రైతులకు నష్టం రాకుండా… 35 కోట్ల ఇంటిగ్రేటెడ్‌ ల్యాబులను ఏర్పాటు చేస్తున్నాం అని అన్నారు.
రెండేళ్లు కాకముందే మూడో మత్స్యకార భరోసా అమలు : జగన్
