నితిన్, రష్మిక మందన్న హీరో హీరోయిన్‌గా వెంకీ కుడుముల తెరకెక్కించిన చిత్రం ‘భీష్మ’. ఈ చిత్రాన్ని సితార ఎంటర్‌టైన్మెంట్స్ పతాకంపై సూర్యదేవర నాగవంశీ నిర్మించారు. ఈ ఏడాది ఫిబ్రవరి 21న విడుదలైన ఈ సినిమాను తాజాగా మెగాస్టార్ చిరంజీవి వీక్షించారు. వెంకీ కుడుములతో కలిసి సినిమాను చూశారు. ఈ విషయాన్ని డైరెక్టర్ వెంకీ కుడుముల ట్విట్టర్ ద్వారా వెల్లడించారు. చిరంజీవితో కలిసి తీసుకున్న ఫొటోలను షేర్ చేశారు. ‘‘నేను సినిమాల్లోకి రావడానికి స్ఫూర్తినిచ్చిన నా దేవుడు, మెగాస్టార్‌తో కలిసి నా సినిమా చూడటం ఒక కల. ఆ కల ఈరోజు నిజమైంది. ‘భీష్మ’ సినిమాను చూడటమే కాకుండా మమ్మల్ని, మా కష్టాన్ని అభినందించినందుకు చిరంజీవి గారికి కృతజ్ఞతలు. మీ అభిమానిగా ఈ క్షణాన్ని జీవితాంతం గుర్తుపెట్టుకుంటాను’’ అని తన మెసేజ్‌లో వెంకీ కుడుముల పేర్కొన్నారు. అయితే, వెంకీ కుడుముల షేర్ చేసిన ఒక ఫొటోలో చిరంజీవికి ఆయన షేక్ హ్యాండ్ ఇస్తున్నారు. ప్రస్తుతం కరోనా వైరస్ వ్యాప్తిచెందుతోన్న నేపథ్యంలో ఈ షేక్ హ్యాంక్ గురించి ప్రత్యేకంగా ట్వీట్‌లో ప్రస్తావించారు. ‘‘చేతులకు శానిటైజర్ పూసుకున్న తరవాత చిరంజీవి గారికి షేక్ హ్యాండ్ ఇచ్చాను. దయచేసి ముందు జాగ్రత్తలు పాటించండి, భద్రతగా ఉండండి’’ అని వెంకీ పేర్కొన్నారు.
చిరుకి షేక్ హ్యాండ్ ఇచ్చిన దర్శకుడు… శానిటైజర్ వాడిన తరువాతే
టీం ఇండియా గెలుపు కోసమే సానియా అక్కడికి వెల్లిందట!