బుల్లితెర రియాలిటీ షో స్టార్ మా బిగ్ బాస్ 5 రెండో వారం నుంచే రచ్చ రచ్చగా మారింది. తొలి వారమంతా పరిచయాలు.. ఒకరినొకరు అర్థం చేసుకోవడాలు.. ఎంటర్ టైన్మెంట్ తో గడిచి.. తొలి ఎలిమినేషన్ పూర్తి కాగా రెండో వారం నుంచే హౌజ్ లో రచ్చ మొదలైంది.
సోమవారం నాడు మొదలైన నామినేషన్ల పర్వం ఈ వారం మీద ఇంట్రెస్ట్ పెంచగా.. మంగళవారం నాడు ఇచ్చిన టాస్క్ హీట్ పెంచింది. సోమవారం నాటి ఎపిసోడ్ లో శ్వేతా వర్మ తనలోని ఫైర్ చూపించగా.. కార్తీక దీపం ఉమా కూడా అనకూడని బూతు అనేసింది. ఆ మాటలు విన్న హౌజ్ మేట్స్ ఒక్కసారిగా షాక్ కి గురికాగా.. షణ్ముఖ్ అయితే నోరు తెరిచి నిల్చున్నాడు.
రెండోవారం నామినేషన్ల లిస్టులో కార్తీకదీపం ఉమాదేవీ, యానీ మాస్టర్, నటరాజ్, ప్రియాంక, ప్రియా, ఆర్జే కాజల్, లోబోలు నామినేట్ అయ్యారు. అయితే ఈ వారం ఎవరు బయటకొచ్చేస్తారన్నది ప్రస్తుతానికి డౌటే. వారం తిరిగే లోగా.. ఎవరికి ఓట్లు ఎక్కువ వస్తాయి.. ఎవరికి తక్కువ ఫాలోయింగ్ అనే దాని మీద ఆ విషయం ఆధారపడి ఉంటుంది. అయితే కాజల్ వరుసగా రెండో వారం కూడా నామినేట్ అయింది. బిగ్ బాస్ మీద మంచి పట్టు ఉండి.. ఏ గేమ్ ఎలా ఆడాలో తెలిసిన వ్యక్తిగా అందరూ కాజల్ ని టార్గెట్ చేస్తున్నారు.
బిగ్ బాస్ హౌస్ లో నామినేషన్స్ అనేది ప్రతివారం జరిగే ప్రక్రియే. దీనినిబట్టే ఎలిమినేషన్ అనేది జరుగుతుంది. ఈ నామినేషన్స్ తప్పించుకోవడం కోసం హౌస్ మేట్స్ మనసులు గెలవాలి. అలాగే ఎలిమినేషన్ తప్పించుకోవాలంటే బయట ఉన్న ప్రేక్షకులని కూడా గెలవాలి. ఇలా గెలిచినవాళ్లే విన్నర్ అవుతారు.
