అక్కినేని వారసుడు అఖిల్ ఇప్పటికే మూడు సినిమాలు చేసినప్పటికీ హిట్ మాత్రం అందనిద్రాక్షగా మారింది. “అఖిల్”, “హలో”, “మిస్టర్ మజ్ను” చిత్రాల తర్వాత అఖిల్ చేయబోతున్న నాల్గవ చిత్రం అధికారికంగా పూజా కార్యక్రమాలతో ప్రారంభమైంది. గీతా ఆర్ట్స్-2 బ్యానర్‌పై అల్లు అరవింద్, బన్నీ వాసు నిర్మాతలుగా, బొమ్మరిల్లు భాస్కర్ దర్శకత్వంలో ఈ చిత్రం తెరకెక్కబోతోంది. ఈ సినిమాకు సంబంధించిన పూజా కార్యక్రమాలను శుక్రవారం నిర్వహించారు. ఈ కార్యక్రమంలో నాగార్జున, అమల, అల్లు అరవింద్, అఖిల్, బొమ్మరిల్లు భాస్కర్ తదితరులు పాల్గొన్నారు. మరి బొమ్మరిల్లు భాస్కర్ ఈ సినిమాతోనైనా అఖిల్ కు బ్లాక్ బస్టర్ హిట్ ఇస్తారేమో చూడాలి.
అఖిల్ నాల్గవ సినిమా ప్రారంభం
