యావత్ సినీ ప్రపంచం కన్నడ పరిశ్రమవైపు చూసేలా చేసిన క్రేజీ మూవీ ‘కేజీఎఫ్’. ప్రశాంత్ నీల్ దర్శకత‍్వం వహించిన ఈ సినిమా 2018లో విడుదలై సౌత్‌ ఇండస్ట్రీలో సంచలనం సృష్టించి, బాక్సాఫీస్‌ వద్ద రూ. 200 కోట్ల వసూళ్లు సాధించి బ్లాక్‌ బాస్టర్‌ హిట్‌గా నిలిచింది. రాక్ స్టార్ యశ్‌ను ఓవర్‌ నైట్‌ స్టార్‌ను చేసింది. భారీ బడ్జెట్‌తో తెరకెక్కిన ఈ సినిమాకు సీక్వెల్‌గా ‘కేజీఎఫ్-2’ నిర్మిస్తున్న విషయం తెలిసిందే. బాలీవుడ్‌ నటుడు సంజయ్ దత్ విలన్ అధీరా పాత్రలో నటిస్తున్నారు. తాజాగా నేడు సంజయ్ దత్ 61వ పుట్టిన రోజు కావడంతో ఈ సందర్భంగా అధీరా ఫస్ట్ లుక్ విడుదల చేశాడు మేకర్స్. అత్యంత కౄరంగా, జాలి లేని మనిషిగా అధీరా కనిపించనున్నాడు అని కేజీఎఫ్ దర్శకుడు ప్రశాంత్ నీల్ ఇంతకు ముందే తెలిపారు. ఆయన చెప్పినట్టుగానే అధీరా లుక్ చాలా కౄరంగా ఉంది.
“కేజీఎఫ్-2” నుంచి సర్ప్రైజ్… అధీరా ఫస్ట్ లుక్
