బస్తర్ దాడికి నక్సల్స్ వినియోగించిన పేలుడు పదార్థం ఎన్ని కిలోలో తెలుసా?

ఛత్తీస్‌గఢ్ బస్తర్‌లో జరిగిన నక్సల్స్ దాడిలో 10 మంది పోలీసులతో పాటు ఒక డ్రైవర్ మృతి చెందిన విషయం తెలిసిందే. మావోలు మందుపాతర పేల్చడంతో ఈ దారుణమైన ఘటన చోటుచేసుకుంది. అయితే ఈ మందుపాతర పేల్చేందుకు మావోలు 50 కిలోల ఐఈడీ(IED)ని వినియోగించారు. పేలుడు ధాటికి పెద్ద ఎత్తున గోతి ఏర్పడింది
డిస్ట్రిక్ట్ రిజర్వ్ గార్డ్‌కు చెందిన పోలీసులు ఓ అద్దె వ్యానులో వెళుతుండగా ఈ ఘటన జరిగింది. పేలుడు ధాటికి కనీసం 20 అడుగుల ఎత్తుకు వాహనం ఎగిరి ఉంటుందని అధికారులు అంచనా వేస్తున్నారు. రహదారి మధ్యలో ఏర్పడిన గోతి చూస్తే మావోలు ఎంత శక్తివంతమైన ఐఈడీ వినియోగించారో అర్థమవుతోందని అధికారులు అన్నారు.