అఖిల్ అక్కినేని హీరోగా మెగా ప్రొడ్యూస‌ర్ అల్లు అర‌వింద్ స‌మ‌ర్పణ‌లో జీఏ2 పిక్చర్స్ బ్యాన‌ర్‌పై తెరకెక్కుతోన్న చిత్రం ‘మోస్ట్ ఎలిజిబుల్ బ్యాచిలర్’. బొమ్మరిల్లు భాస్కర్ ద‌ర్శక‌త్వం వహిస్తున్నారు. బ‌న్నీవాసు, వాసు వ‌ర్మ సంయుక్తంగా నిర్మిస్తున్నారు. ఈ సినిమాలో అఖిల్ సరసన పూజా హెగ్డే హీరోయిన్‌గా నటిస్తున్నారు. ఈ సినిమాలోని అఖిల్ లుక్‌ను ఇప్పటికే విడుదల చేశారు. అయితే.. ఈ సినిమా తర్వాత సురేందర్‌రెడ్డి దర్శకత్వంలో తన నూతన సినిమాను చేసేందుకు గ్రీన్‌ సిగ్నల్‌ ఇచ్చాడు అఖిల్. ఇందులో స్పైగా అఖిల్ దర్శనం ఇవ్వనున్నాడట. అయితే… ఇందులో అఖిల్ సరసన నటించేంది ఎవరనేదానిపై చర్చ జరుగుతోంది. ఈ నేపథ్యంలో తాజాగా బీటౌన్‌ పేరు వినిపిస్తోంది. కొత్త హీరోయిన్‌ కోసం వెతుకుతున్న సురేందర్‌ బాలీవుడ్‌పై కన్నేశాడు. అంతే అక్కడ కనిపించిన ఓ మోడలింగ్‌ భామని చూసి దర్శకుడు ఫిదా అయిపోయాడట. దీంతో వెంటనే అమ్మడిని ఓకే చేశాడట. ఆమె పేరు వైద్య సాక్షి, బాలీవుడ్‌ మోడలింగ్‌లో రాణిస్తోంది. ఆమెనే అఖిల్ సినిమాలో హీరోయిన్‌గా తీసుకురానున్నారట. ఈ సినిమా వచ్చే నెలలో షూటింగ్‌ ప్రారంభం కానుంది.
అఖిల్ తో రొమాన్స్ చేయనున్న కొత్త భామ…!
