వలస కార్మికురాలి కొడుకుకు సోనూసూద్ పేరు…!

ప్రస్తుతం రియల్ లైఫ్ లో హీరో అనిపించుకుంటున్నారు బాలీవుడ్ నటుడు సోనూసూద్. క‌రోనా సంక్షోభంలో సొంత ఖ‌ర్చుల‌తో ఇబ్బందులు ప‌డుతున్న వ‌ల‌స కార్మికుల‌కి అండగా నిలిచిన సోనూ సూద్‌కి జ‌నాలు జేజేలు ప‌లుకుతున్నారు. తాజాగా ఓ మ‌హిళ త‌నకి పుట్టిన కొడుకుకి సోనూ సూద్ పేరు పెట్టి ఆయ‌న రుణం తీర్చుకుంది. అనుప‌మ చోప్రాతో తాజాగా జ‌రిగిన చాట్‌లో సోనూ సూద్ ఆస‌క్తిక‌ర విష‌యాన్ని చెప్పుకొచ్చాడు. ఓ మ‌హిళ త‌న కొడుకుకి సోనూసూద్ అని పేరు పెట్టింద‌ని చెప్పాడు. ఇంటి పేరుని చివ‌రికి చేర్చి సోనూ సూద్ శ్రీ వాస్త‌వ అని మ‌హిళ పెట్టింద‌ని చెప్పుకొచ్చాడు. ఇది నా మ‌న‌స్సుకు హ‌త్తుకుపోయింద‌ని చెప్పుకొచ్చాడు సోనూ.